«Միլանն» ամառային տրանսֆերներին կտրամադրի 100 միլիոն եվրո

«Միլանը» ամառային տրանսֆերային պատուհանի ժամանակ կուժեղացնի կազմը։ Իտալական ակումբի ղեկավարությունը տրանսֆերների համար կտրամադրի 100 միլիոն եվրո, հաղորդում է gazetta.it-ը։

Այդ գումարի մի մասը մնացել է ձմեռային տրանսֆերային պատուհանից, մի մասն էլ ամռանը կտրամադրվի Չեմպիոնների լիգայի հաջորդ մրցաշրջանի համար թիմն ուժեղացնելու նպատակով։

Ամռանը «Միլանը» կփորձի «Չելսիից» գնել է պաշտպան Ֆիկայո Տոմորիի տրանսֆերային իրավունքը։ Անգլիայի հավաքականի 23-ամյա ֆուտբոլիստն այժմ վարձակալությամբ է հանդես գալիս միլանյան թիմում։

Իտալիայի առաջնության 28 խաղից հետո «Միլանը» երկրորդն է եւ առաջատար «Ինտերից» հետ է 6 միավոր։