Վեյնալդումը կտեղափոխվի «Բարսելոնա»

Անգլիական «Լիվերպուլի» և Հոլանդիայի ազգային հավաքականի կիսապաշտպան Ջորջինո Վեյնալդումը մոտ է «Բարսելոնա» տեղափոխվելուն:

Sunday Times-ի համաձայն՝ 30-ամյա ֆուտբոլիստը պայմանավորվել է կատալոնական ակումբի հետ և կնքել նախնական պայմանագիր: Ամռանը նա ազատ գործակալի կարգավիճակում կմիանա «Բարսելոնային»:

«Լիվերպուլի» հետ Վեյնալդումի գործող պայմանագիրը նախատեսված է մինչև ընթացիկ մրցաշրջանի ավարտը: Նա 2016 թվականից է խաղում անգլիական ակումբում:

Անգլիայի ընթացիկ առաջնությունում հոլանդացին մասնակցել է 29 հանդիպման և դարձել 2 գոլի հեղինակ: