Նեյմարը կերկարաձգի ՊՍԺ-ի հետ պայմանագիրը

Բրազիլիայի հավաքականի հարձակվող Նեյմարը մոտ է ֆրանսիական ՊՍԺ-ի հետ գործող պայմանագիրը երկարաձգելուն:

Le10sport-ի համաձայն՝ 29-ամյա ֆուտբոլիստի նոր պայմանագիրը նախատեսված կլինի մինչև 2026 թվականի հունիս: Բրազիլացի հարձակվողի գործող պայմանագրի ժամկետը լրանում է 2022 թվականի ամռանը:

Հիշեցնենք, որ Նեյմարը 2017 թվականի ամռանը կատալոնական «Բարսելոնայից» ՊՍԺ է տեղափոխվել ռեկորդային 222 միլիոն եվրոյի դիմաց: Ընթացիկ մրցաշրջանում նա ՊՍԺ-ի կազմում մասնակցել է 18 խաղի, դարձել 13 գոլի ու 6 գոլային փոխանցման հեղինակ: