Էրլինգ Հոլանդը «Բորուսիայից» պահանջել է աշխատավարձի բարձրացում

Դորտմունդի «Բորուսիայի» 20-ամյա նորվեգացի հարձակվող Էրլինգ Հոլանդը իր գործակալ Մինո Ռայոլայի միջոցով գերմանական ակումբից պահանջել է աշխատավարձի բարձրացում։

Հոլանդը ցանկանում է կնքել հինգ տարվա պայմանագիր, շաբաթական 350 հազար եվրո վարձատրությամբ՝ ստացվում է հինգ տարում առնվազն 90 միլիոն եվրո, հաղորդում է Daily Star-ը։

Հոլանդի ծառայություններով հետաքրքրված են Մադրիդի «Ռեալը», անգլիական «Մանչեսթեր Սիթին», «Մանչեսթեր Յունայթեդը» եւ «Չելսին»։

Ընթացիկ մրցաշրջանում Հոլանդը «Բորուսիայի» հետ բոլոր մրցաշարերում մասնակցել է 26 հանդիպման, խփել 29 գոլ, կատարել 7 գոլային փոխանցում։