Անդրե Կալիսիրի առաջին գոլային փոխանցումը Հունաստանում

Ֆուտբոլի Հունաստանի առաջնության 21-րդ տուրի խաղում «Ապոլոն Սմիրնիսը» հյուրընկալվեց ՊԱՕԿ-ին։ Գրանցվեց ոչ ոքի՝ 2։2։

Հյուրերի րկրորդ գոլի դրվագում գոլային փոխանցումը կատարեց Հայաստանի հավաքականի պաշտպան Անդրե Կալիսիրը, որը հունվարին է շվեդական «Գյոտեբորգից» տեղափոխվել «Ապոլոն Սմիրնիս»։ Նա մեկնարկային կազմում էր եւ անցկացրեց ամբողջ հանդիպումը։

30-ամյա ֆուտբոլիստն առաջին գոլային փոխանցումը կատարեց Շվեդիայից Հունաստան տեղափոխվելուց հետո։

ՊԱՕԿ-ը 40 միավորով երկրորդ տեղում է եւ առաջատար «Օլիմպիակոսից» (20 խաղ) հետ է 14 միավոր։ «Ապոլոն Սմիրնիսը» 9-րդն է՝ 19 միավոր։