Սերխիո Ռամոսը կվիրահատվի

Մադրիդի «Ռեալի» ավագ Սերխիո Ռամոսն առաջիկայում կենթարկվի ծնկի վիրահատության, հայտնում է Mundo Deportivo-ը:

Իսպանացի պաշտպանն ունի մենիսկի խնդիր, որը նրան անհանգստացնում է այս մրցաշրջանի ընթացքում: Սպասվում է, որ վերականգնման համար կպահանջվի 6-7 շաբաթ, և վիրահատությունից հետո նա խաղադաշտ կվերադառնա ապրիլից ոչ շուտ:

Հիշեցնենք, որ 34-ամյա Ռամոսը 2005 թվականից է հանդես գալիս «Ռեալում», որի հետ նրա գործող պայմանագիրը նախատեսված է մինչև այս մրցաշրջանի ավարտը: Իսպանիայի ընթացիկ առաջնությունում նա մասնակցել է 14 խաղի և դարձել 2 գոլի հեղինակ: