«Ալկոյանոյի» 41-ամյա դարպասապահի տպավորիչ ցուցանիշը «Ռեալի» դեմ խաղում

«Ալկոյանոյի» դարպասապահ Խոսե Խուան Ֆիգեյրաշը 10 սեյվի հեղինակ է դարձել Մադրիդի «Ռեալի» դեմ Իսպանիայի գավաթի խաղարկության 1/16 եզրափակիչի խաղում (2:1):

Opta-ի համաձայն՝ այս մրցաշրջանում «Ռեալի» ոչ մի մրցակցի դարպասապահ այդքան սեյվ չի կատարել:

41-ամյա դարպասպաահի վստահ խաղի շնորհիվ Իսպանիայի երրորդ դիվիզիոնի ներկայացուցիչը տարել էր սենսացիոն հաղթանակ և նվաճել հաջորդ փուլի ուղեգիր:

Հիշեցնենք, որ հանդիպման հիմնական ժամանակն ավարտվել էր 1։1 հաշվով։ Լրացուցիչ ժամանակում «Ալկոյանոն» հաղթանակ էր կորզել 10 խաղացողներով մնալուց հետո: «Ռեալն» «Ալկոյանոյին» նախորդ անգամ պարտվել էր 70 տարի առաջ՝ 1951 թվականի փետրվարի 4-ին: