Պոչետինոն ՊՍԺ-ում կստանա Տուխելից 2 անգամ ավելի աշխատավարձ

ՊՍԺ-ի նորանշանակ գլխավոր մարզիչ Մաուրիսիո Պոչետինոն ֆրանսիական ակումբում 6.3 միլիոն եվրո աշխատավարձ կստանա առաջին մրցաշրջանի արդյունքում, հայտնում է Le Parisien-ը:

Հաջորդ տարի արգենտինացի մասնագետի տարեկան աշխատավարձը կկազմի 7.5 միլիոն եվրո, իսկ մեկ տարի անց՝ 8.04 միլիոն:

Ստացվում է, որ հաջորդ մրցաշրջանից Պոչետինոն կստանա 2 անգամ ավելի շատ աշխատավարձ, քան ՊՍժ-ի նախորդ գլխավոր մարզիչ Թոմաս Տուխելը: Գերմանացի մասնագետն իր հերթին 6 միլիոն եվրո փոխհատուցում կստանա պայմանագիրը վաղաժամ խզելու համար:

Հիշեցնենք, որ Մաուրիսիո Պոչետինոն այս ամիս էր գլխավորել ՊՍժ-ն՝ փոխարինելով պաշտոնանկ արված Թոմաս Տուխելին: 2019թ․ նոյեմբերին Լոնդոնի «Տոտենհեմից» հեռացվելուց հետո Պոչետինոն աշխատանք չուներ։ Օրեր առաջ նա նվաճեց մարզչական կարիերայի առաջին տիտղոսը՝ դառնալով Ֆրանսիայի սուպերգավաթակիր: