Australian Open. Մարգարիտա Գասպարյանը տարավ երկրորդ հաղթանակը

Ռուսաստանի ներկայացուցիչ Մարգարիտա Գասպարյանը երկրորդ հաղթանակը տարավ թենիսի Ավստրալիայի բաց առաջնության կանանց մենախաղի որակավորման փուլում:

Երկրորդ մրցախաղում հայ մարզուհին 1 ժամ 59 րոպեում 6:3, 7:6 հաշվով հաղթեց վրացի Մարիամ Բոլկվաձեին: Առաջին փուլում 26-ամյա Գասպարյանն ուժեղ էր գտնվել իտալուհի Մարտինա Դի Ջուզեպեից:

Հաջորդ մրցախաղում Մարգարիտան ուժերը կչափի 33-ամյա բուլցարացի Ցվետլանա Պիրոնկովայի հետ:

Կորոնավիրուսի համավարակի պատճառով Australian Open-ի կանանց որակավորման փուլն այս տարի անցկացվում է Դուբայում, իսկ տղամարդկանցը՝ Դոհայում:

Հիշեցնենք, որ այս տարի Australian Open-ը կմեկնարկի նախատեսվածից ավելի ուշ՝ փետրվարի 8-ին: