Պիկեն պատմել է, թե երբ է ծրագրում ավարտել կարիերան

Կատալոնական «Բարսելոնայի» իսպանացի պաշտպան Ժերար Պիկեն Globe Soccer Awards մրցանակաբաշխությանը մասնակցելուց հետո խոսել է ապագայի մասին:

«Ինձ համար մեծ պատիվ է այստեղ գտնվել երկարատև կարիերայից հետո: Հույս ունեմ, որ կխաղամ ևս 3-4 տարի: Հաճելի է դարձյալ տեսնել Կասիլյասին, որի հետ խաղացել ենք Իսպանիայի հավաքականում ու դարձել աշխարհի և Եվրոպայի չեմպիոն: Նաև խաղացել եմ Ռոնալդուի հետ, երբ առաջին քայլերն էի կատարում ֆուտբոլում: Դա հրաշալի ժամանակաշրջան էր, մենք տիտղոսներ էինք նվաճում»,- Պիկեի խոսքը մեջբերում է Marca-ն:

Հիշեցնենք, որ Globe Soccer Awards մրցանակաբաշխությունում 33-ամյա ֆուտբոլիստը մրցանակի էր արժանացել հրաշալի կարիերայի համար: