Հանրային հեռուստաընկերության լրատվականը չի անդրադարձել ԱԺ-ում տեղի ունեցած միջադեպին
Հանրային հեռուստաընկերության լրատվականը սեպտեմբերի 16-ին չի անդրադարձել Ազգային ժողովում «Լուսավոր Հայաստան» խմբակցության պատգամավորների ու անվտանգության աշխատակցի միջև միջադեպին, գրում է «Մեդիա պաշտպան»–ը։
Խմբակցության պատգամավորները փորձել էին ԱԺ նիստերի դահլիճ տանել «Քայլ արա, դուխով հեռացիր»՝ Արայիկ Հարությունյանի հրաժարականը պահանջող պաստառը։ ԱԺ փոխխոսնակ Ալեն Սիմոնյանը թույլ չէր տվել, հրահանգել էր անվտանգության աշխատակցին ներս չթողնել, աշխատակիցը հրել էր Գևորգ Գորգիսյանին։ Սակայն ԱԺ նախագահը ներս հրավիրեց պաստառով պատգամավորներին։
Ավելի ուշ, իշխանական պատգամավորներ Ալեն Սիմոնյանն ու Հրաչյա Հակոբյանը հենց նիստի ժամանակ լուսանկարվել էին պաստառի հետ։ Հանրայինը չի ներկայացրել այս միջադեպը, բացի այդ թռուցիկ անդրադարձել ԱԺ դիմաց «Լուսավոր Հայաստան» խմբակցության՝ կրթության նախարարի հրաժարականը պահանջող ակցիային։
Ելույթ ունեցավ Երևանի ավագանու «Լույս» խմբակցության անդամ Դավիթ Խաժակյանը, որն ի դեպ նշեց, որ Արայիկ Հարությունյանին միակ պաշտպանողը կմնա Պետրոս Ղազարյանը։ Խաժակյանը նշեց, որ կրթության ոլորտի ձախողումներն այնքան ցցուն են, որ եթե Արայիկ Հարությունյանը հեղափոխության դեմքերից չլիներ, ապա արդեն մի քանի անգամ հրաժարական ներկայացրած կլիներ։ Լրատվականը մի քանի վայրկյան է տրամադրել ակցիային, Խաժակյանի ելույթից որևէ հատված չի ներկայացվել։ Լրատվականը չի ներկայացրել նաև ՀՅԴ երիտասարդական միության քայլերթը՝ կրթության նախարարի հրաժարականի պահանջով։
Բացի այդ, լրատվականը չի անդրադարձել Րաֆֆու փողոցում ոստիկանի ու մի կնոջ միջև տեղի ունեցած միջադեպին, որը լայն քննարկումների առիթ դարձավ։ Դիմակի պատճառով ոստիկանը քաշքշել էր կնոջը, նրան բռնի ուժով բերման ենթարկել, այնուհետ պարզ դարձավ, որ ոստիկանության պետի կողմից նշանակվել է ծառայողական քննություն։
«Մեդիա պաշտպան» նախաձեռնությունն անընդունելի է համարում նման կողմնապահ և ընտրովի լրատվությունը։ Հանրային միջոցներից ֆինանսավորվող հեռուստաընկերությունը պարտավոր է ներկայացնել հանրային հնչեղություն ստացած խնդիրները բոլոր դիտակետերից։
ՀՀ ԱԺ արտահերթ նստաշրջան - 02.07.2026
Վենեսուելայի երկինքը կարմրել է երկրաշարժից հետո (տեսանյութ)
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Թուրքիան բարձրացրել է Բոսֆորով և Դարդանելով տարանցման արժեքը
Ռուսաստանը զանգվածային հարվածներ է հասցրել Կիևին․ բազմաթիվ զոհեր, վիրավորներ և անհետ կորածներ կան
Հարավային Աֆրիկայում բողոքի ցույցեր են միգրանտների դեմ
Կասեցվել է «Օքսիջեն»-ի հացի թխման արտադրամասի գործունեությունը
Ֆրանսիայում հրշեջները պայքարում են անտառային հրդեհների դեմ
Փողաբաժանությունը ինքնաբուխ չի․ դա համակարգված, վերևից ներքև իջնող մեխանիզմ է
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի