«Քայլող» պատգամավորների անպարկեշտ հայտարարությունները ՌԴ-ի ու Իրանի հանդեպ պարզապես ապշեցուցիչ են
Սոլիդ իշխանության ձևավորումը՝ ընդդիմության հիմնական օրակարգ: Այս մասին Facebook-ի իր էջում գրել է Սպորտի եւ երիտասարդության նախկին նախարար, ԲՀԿ-ական Հրաչյա Ռոստոմյանը:
Նա, մասնավորապես, նշել է. «Աշխարհի բոլոր դեմոկրատական երկրներում իշխանությունները լեգիտիմ են, սակայն նրանց չի զարմացնում, որ ունեն իրենց անխնա քննադատող ընդդիմություն։ Նիկոլ Փաշինյանի թիմին, որը լեգիտիմ է հեղափոխական էյֆորիայի ուժով, այդ հանգամանքը զարմացնում է, որովհետև գործ ունենք ոչ սոլիդ իշխանության հետ։
Ոչ սոլիդ իշխանության գործունեության խայտառակ դրսևորումներին ականատես ենք լինում գլոբալ և լոկալ հարցերում։ Օրինակ՝ կորոնավիրուսի դեմ պայքարի հակահամաճարակային քաղաքականության տապալումը սոլիդ իշխանության, արդյուվատետ կառավարման բացակայության հետևանք է։
Ավելի մասնավոր դրսևորումներ էլ կան։
Իշխանության առանցքային պաշտոնյաներից մեկը խոսում է ճապոնացիների գենետիկայի մասին՝ անգրագետ ու հակագիտական պնդումներով, առողջապահության նախարարը տապալել է ոչ միայն կորոնավիրուսի դեմ պայքարը, այլ նաև լրջորեն վտանգել է հայ-վրացական հարաբերությունները, էլ չեմ ասում «քայլող» բազմաթիվ պատգամավորների մասին, որոնց անպարկեշտ հայտարարությունները Ռուսաստանի ու Իրանի հանդեպ պարզապես ապշեցուցիչ են։
Երեկ Հայաստանում արձանագրվեց զանգվածային թունավորման դեպք՝ խլելով մեկ տասնյակից ավելի մարդկային կյանքեր, զուգահեռաբար հրդեհվում էր մասնավոր մի ձեռնարկության տարածք՝ դարձյալ պատճառ դառնալով մարդկային զոհերի։ Իշխանությունն արձագանքելու ժամանակ չգտավ։
Իհարկե, ցավալի այս դեպքերը դժվար է ուղղակիորեն վերագրել իշխանության գործունեությանը, սակայն երբ երկրում բացակայում են սոլիդ իշխանությունն ու արդյունավետ կառավարումը, նման պատահարները, զանգվածային թունավորման դրսևորումները դառնում են օրինաչափություն։
Ոչ սոլիդ իշխանության գործունեության ամեն օրը շատ թանկ է նստում մեր երկրի վրա՝ անդառնալի վնաս հասցնելով մեր երկրի հեղինակությանը, հասարակության անվտանգությանն ու բարեկեցությանը։
Ընդդիմության հիմնական օրակարգը պետք է դառնա սոլիդ իշխանության ձևավորումը՝ օր առաջ, առանց հապաղելու։ Դրա համար ընդամենը պետք է հասարակության ու քաղաքական համակարգի մտավոր պոտենցիալի կոնսոլիդացիան։
Հենրիխ Մխիթարյան. Երևանի փողոցներից մինչև Չեմպիոնների լիգայի եզրափակիչ. Անկեղծ հարցազրույց (տեսանյու...
Բալիում սկանդալային պոռնոաստղին սպառնում է մինչև 15 տարվա ազատազրկում
Տարոն Մարգարյանը կգործուղվի Մոսկվա
Ինչ են զրուցել ԱԱԾ մեկուսարանում Աղազարյանն ու Սրբազանները. «Իրավունք»
Ռուսաստանում կործանվել է աշխարհի ամենամեծ տուրբապտուտակավոր օդանավը
Ովքեր են «դուրս մնալու» ՔՊ ցուցակից
Հայտնաբերվել է 1-ին տիպի շաքարախտի ամենավաղ ախտանիշը
Գալյանը դեմ չէ, որ կառավարության նիստը սկսվի աղոթքով
Երևանի Ռուբինյանց փողոցում բախվել են «Tesla»-ն ու «Dodge»-ը
Ո՞րն է Երկրի վրա գրանցված պատմության մեջ ամենաբարձր ձայնը