Մեր պահանջները իրենց այս հանդիպման հետ ոչ մի կապ չունեն, պահանջում ենք վերացնել արտակարգ դրությունը
Մեր բողոքը մնում է տառ առ տառ նույնը, - «Փաստինֆո»-ի հետ զրույցում ասաց Հանրային ոլորտի փորձագետ Աշոտ Բարսեղյանը՝ անդրադառնալով հուլիսի 31-ին ռեստորանային ոլորտի ներկայացուցիչների հետ վարչապետի հանդիպմանը, որից հետո «Ռեստորանների հայկական միության» նախագահ Վահե Գևորգյանը հայտարարեց, որ հանդիպումը հաջողված էր, որի ժամանակ համաձայնություն է ձեռք բերվել հանրային սննդի ոլորտին պետական աջակցություն տրամադրելու վերաբերյալ։
«Մենք կառավարությունից ոչ մի բան չենք խնդրել, պահանջել ենք կառավարությունից վերացնել արտակարգ դրության վիճակը, որը այլևս փաստարկված չէ։ Կառավարությունից պահանջել ենք հասարակական սննդի կազմակերպման այն ոլորտը, որը փակ է՝ միջոցառումների անցկացման ոլորտի և հարակից այլ ոլորտների աշխատակիցներին թույլատրվի աշխատել։ Մենք պահանջել ենք կառավարության կողմից փակված ամիսներին՝ մեր կրած վնասների փոխհատուցում։ Որպեսզի կառավարությանը օգնենք փոխհատուցման հարցում, մենք՝ իրավաբանների հետ կազմակերպել ենք մեր ոլորտի կրած տույժերի գույքագրում։ Մեր կրած վնասները մեծ են՝ միլիոնավոր դոլարների են հասնում և միակ օժանդակությունը այս պահին, որ կարելի է արագ կազմակերպել՝ տնտեսության ազատականացումն է և միջոցառումների թույլատրումը»,- ասաց Աշոտ Բարսեղյանը։
Բարսեղյանը ուզում է հստակություն տեսնել հանդիպումից, ներկայացնելով հստակ հարցերը՝ ի՞նչ օգնություն է տրամադրվելու, ո՞ւմ, ի՞նչ չափով և ի՞նչ ժամանակահատվածում,
«Օգնության մասին խոսելիս մենք պետք է հիշենք, որ արտակարգ դրության հայտարարումից անցել է հինգ ամիս և այդ ընթացքում պետությունը շատ փոքր մասնակցություն է ունեցել այս ոլորտում։ Եվ եթե չլիներ մեր բողոքները, ապա չէր լինի նաև այս հանդիպումը, որը տեղի ունեցավ ոչ բողոքողների հետ։ Ես կարդացի, որ ռեստորանների միությունը գոհունակություն է հայտնում հանդիպումից, շատ լավ է, դա իրենց կարծիքն է, մենք դեռ գոհունակություն հայտնելու առիթ չունենք»։
Բարսեղյանն ասում է, որ երկուսի բողոքները համապատասխանում են այն մասով, որը վերաբերում են ռեստորաններին համալիրներին, իսկ ռեստորանային համալիրները միջոցառումների անցկացման մի մասն է կազմում։
«Չեմ քննադատում։ Ես ասում եմ, որ դա մեր հետ, մեր բարձրացվող պահանջների հետ ոչ մի կապ չունի և խնդրում եմ դա իրար հետ չկապել։ Ոնց որ այդ միությունը հայտարարեց, որ կապ չունի մեր բողոքների հետ, ես ուզում եմ կրկնեմ, և ասել, որ մեր պահանջները իրենց այս հանդիպման հետ ոչ մի կապ չունեն»։
Բարսեղյանը հիշեցրեց, որ իրենց բարձրաձայնած հարցը ավելի գլոբալ է, վերաբերում է վնասների փոխհատուցմանը՝ պետության կողմից և տնտեսության ազատականացմանը։
«Նախաձեռնության մասով, ցավոք սրտի, նորություններ չունենք։ Ես հասկանում եմ, որ մեր ասելիքը քննադատություն է, բայց կոչ եմ անում կառավարությանը քննադատությանը ճիշտ հայացքով նայել։ Քննադատությունն է, որ շարժում է տնտեսությունը և պետական կառավարման ապարատը։ Չի կարելի իրար պարբերաբար գովալ, եթե կան խնդիրներ»։
ՀՀ ԱԺ արտահերթ նստաշրջան - 02.07.2026
Վենեսուելայի երկինքը կարմրել է երկրաշարժից հետո (տեսանյութ)
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Թուրքիան բարձրացրել է Բոսֆորով և Դարդանելով տարանցման արժեքը
Ռուսաստանը զանգվածային հարվածներ է հասցրել Կիևին․ բազմաթիվ զոհեր, վիրավորներ և անհետ կորածներ կան
Հարավային Աֆրիկայում բողոքի ցույցեր են միգրանտների դեմ
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի
Փողաբաժանությունը ինքնաբուխ չի․ դա համակարգված, վերևից ներքև իջնող մեխանիզմ է
Կասեցվել է «Օքսիջեն»-ի հացի թխման արտադրամասի գործունեությունը