Սմարթֆոնները նպաստում են երեխաների շրջանում ոջիլի տարածմանը
Սմարթֆոնները նպաստում են երեխաների շրջանում ոջիլի տարածմանը, կարծում են Օքսֆորդի համալսարանի փորձագետները. երբ երեխաները մոտենում են սելֆի անելու համար, մակաբույծները մեկի գլխից մյուսին են թռչում:
Գիտնականները նման ոչ մխիթարական եզրակացության են հանգել երեխաներին հետազոտելով Ջոն Ռեդքլիֆի հիվանդանոցում: Հետազոտության արդյունքները ներկայացվել են Լիվերպուլում Մաշկաբանների բրիտանական ասոցիացիայի ամենամյա համաժողովում:
Մեկ ամսվա ընթացքում ծնողները, որոնք դիմել էին հիվանդանոցի մանկաբուժական բաժանմունք, հատուկ հարցաշարեր են լրացրել: Ընդհանուր լրացվել է 92 հարցաշար, որոնց մեջ ընդգրկվել են 202 երեխաների տվյալները:
Պարզվել է, որ նրանց 45 տոկոսը վերջին 5 տարում ոջիլով է տառապել: Առավել հաճախ նրանք աղջիկներ էին, որոնք 6-9 տարեկան եղբայրներ կամ քույրեր ունեին: Երեխաների գրեթե կեսը սմարթֆոն է ունեցել: Հինգ երեխայից երկուսին սելֆի կատարելը հաճելի էր:
Ինչպես պարզել են հետազոտողները, սմարթֆոն չունեցող երեխաների շարքում ոջիլ է եղել 29,5 տոկոսի մոտ: Իսկ սմարթֆոն ունեցող երեխաների շրջանում ոջլոտությամբ է տառապել արդեն 62,5 տոկոսը: Սելֆիի պատանի երկրպագուների շրջանում ոջլոտությունը կազմել է 55 տոկոս:
Գիտնականները խուսափում են խոսել ոջլոտության եւ սմարթֆոնների ուղղակի կապի մասին` միայն նշելով, որ ստացված արդյունքները «հետաքրքիր հարցեր» են բարձրացնում այն մասին, թե ինչպես է տեղի ունենում մակաբույծների տարածումը:
«Հիվանդացածության նախորդ գնահատականների համեմատությամբ` ցուցանիշները նկատելիորեն բարձրացել են. ըստ դրանց` վերջին 5 տարում ոջլոտությամբ է տառապել երեխաների գրեթե կեսը: Մենք նաեւ նկատել ենք, որ ոջիլներն ավելի հաճախ են հանդիպել սմարթֆոններ եւ պլանշետներ ունեցող երեխաների մոտ: Սակայն մենք կարող ենք սոսկ ենթադրել, որ դա տեղի է ունենում սմարթֆոններն օգտագործելիս երեխաների իրար մոտենալու հետեւանքով»,- ասել է բժիշկ Թեսս Մակֆերսոնը:
Մաշկաբանների բրիտանական ասոցիացիայի ներկայացուցիչ Մեթյու Գասը հավելել է. «Մենք չենք ասում, որ երեխաների մոտ ոջիլներն առաջանում են սմարթֆոնների պատճառով: Սակայն կապ կա, այդ պատճառով եթե հանկարծ ձեր տանը կամ դպրոցում բախվեք հվանդության բռնկման հետ, մտածեք այն մասին, թե երեխաներն ինչպես են հավաքվում էլեկտրոնային սարքերի շուրջը` ոջիլներին թույլ տալով մի գլխից մյուսը թռչել»:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Կիևի պահանջները նման են անհատակ փոսի․ Սիյարտո
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...