Իմ տեսակետը ցանկացած հարցի վերաբերյալչի կարող տարբերվել վարչապետի դիրքորոշումից. Ռոմանոս Պետրոսյանը՝ Ամուլսարի մասին
Շրջակա միջավայրի նախարարության առաջնահերթ խնդիրը Սևանա լճի էկոհամակարգի վերականգնումն է։Այս մասին Հանրային հեռուստատեսությանը տված հարցազրույցում ասել է Շրջակա միջավայրի նորանշանակ նախարար Ռոմանոս Պետրոսյանը՝ նշելով, որ խնդիրը կուտակվել է տասնամյակների անհետևողական և փնթի շահագործումից։
Ռոմանոս Պետրոսյանի խոսքով՝ որպես առաջնային քայլ պետք է Սևանի ավազանը մաքուր պահել և տնտեսվարողների կողմից թափոնների, այդ թվում՝ կոյուղու արտանետումների ուղղակի միախառնվելը խոչընդոտել, ինչը ենթադրում է հավելյալ ֆինանսական միջոցների ներառում:
«Կան բազմաթիվ ապօրինի կառուցապատումների և հողազավթումների դեպքեր. շուրջ 500 հեկտար բուսածածկ տարածքներ կան, որոնք արդեն լճի տակ են անցնում և բերում լճի ճահճացման, վերջնարդյունքում՝ կապտականաչ ջրիմուռների առաջացման»,- ասաց նախարարը՝ նշելով, որ այսօր արդեն այս հարցով մի քանի խորհրդակցություններ է ունեցել։
Նորանշանակ նախարարն անդրադարձավ նաև հանքարդյունաբերության խնդիրներին։
«Նախկինում շահագործված, կամ կիսաշահագործված լքված բազմաթիվ հանքավայրեր, լցակույտեր, փակ և կիսափակ պոչամբարներ այսօր բազմաթիվ խնդիրներ են ստեղծում քաղաքացիների առողջության համար: Շատ խնդիրներ պարզապես չէինք ունենա, եթե պետական վերահսկողական կառույցները հետևողական լինեին, տնտեսվարողներն օրենքի պահանջները պահպանեին։ Գործող օրենսդրությամբ փակ պոչամբարների նկատմամբ պետք է իրականացվեն ռեկուլտիվացիոն աշխատանքներ, բայց այսօր ցույց տվեք մի պոչամբար՝ ամենալուրջ հանքարդյունաբերողներից սկսած, ովքեր ռեկուլտիվացիա են արել, կարծես լքված ապոկալիպտիկ տարածքներ լինեն այս դրախտային երկրում»,- ասաց Պետրոսյանը:
Անդրադառնալով Ամուլսարի հանքի խնդրին՝ Ռոմանոս Պետրոսյանն ասաց. «Ամուլսարի մասին կխոսեմ որոշակի շրջան պաշտոնավարելուց հետո, երբ լիարժեք կծանոթանամ փորձագիտական գնահատականներին, ինչպես նաև հանդիպումներ և կոնսուլտացիաներ կիրականացնեմ և պատրաստ կլինեմ պարզ, թափանցիկ,ազնիվ զրույցի թե՛մեր բնապահպանների, թե՛ շահագրգիռ կողմերի, և թե՛ ՀՀ քաղաքացու հետ: Բայց խոշոր հաշվով իմ տեսակետը ցանկացած հարցի վերաբերյալ, այդ թվում՝ Ամուլսարի հետ կապված, չի կարող տարբերվել վարչապետի կամ մեր կառավարության դիրքորոշումից, բնականաբար, գործելու ենք այդ կոնտեքստում, իսկ կոնկրետ, առարկայական գնահատականներ և տեսակետներ կհնչեցնեմ որոշակի ժամանակ անց»,- ասել է նա:
ՀՀ ԱԺ արտահերթ նստաշրջան - 02.07.2026
Վենեսուելայի երկինքը կարմրել է երկրաշարժից հետո (տեսանյութ)
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Թուրքիան բարձրացրել է Բոսֆորով և Դարդանելով տարանցման արժեքը
Ֆրանսիայում հրշեջները պայքարում են անտառային հրդեհների դեմ
Փողաբաժանությունը ինքնաբուխ չի․ դա համակարգված, վերևից ներքև իջնող մեխանիզմ է
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի
Կասեցվել է «Օքսիջեն»-ի հացի թխման արտադրամասի գործունեությունը
Ռուսաստանը զանգվածային հարվածներ է հասցրել Կիևին․ բազմաթիվ զոհեր, վիրավորներ և անհետ կորածներ կան