ՀՔԾ պետի ու ԱԱԾ նախկին տնօրենի հեռախոսազրույցի գաղտնալսման գործը բացահայտված է
Այդ գործը, ըստ էության, բացահայտված է, սակայն քրեական գործը դեռ քննության փուլում է, չի ավարտվել: Այս մասին լրագրողների հետ ճեպազրույցում ասաց Քննչական կոմիտեի նախագահ Հայկ Գրիգորյանը՝ անդրադառնալով հարցին՝ ինչ փուլում է ՀՔԾ պետի ու ԱԱԾ նախկին տնօրենի հեռախոսազրույցի գաղտնալսման գործը:
«Ավարտված չէ, որովհետև մենք մեր մի շարք արտասահմանյան գործընկերներին ուղարկել ենք քննչական պահանջ, որը երբ կկատարվի, կուղարկվի, դրա արդյունքների ամփոփմամբ նոր որոշում կկայացնենք: Վանեցյանն այդ դրվագով չի առնչվում»,-ասաց նա՝ նշելով, թե այդ գործով որևէ ձերբակալված անձ չկա:
Անդրադառնալով հարցին՝ ինչ նորություն կա ՀՖՖ նախկին նախագահ Ռուբեն Հայրապետյանին առնչվող գործով, քանի որ վերջինս նշել էր, որ չի կարող վերադառնալ՝ ՌԴ-ում կարանտինի մեջ է, Գրիգորյանը պատասխանեց.
«Հայտնի է, որ այդ գործով ունենք ներգրավված 6 մեղադրյալ, որոնց մի մասը հետախուզման մեջ է, մի մասը՝ ոչ: Նախ՝ մենք մեր հերթին կազմակերպել էինք հնարավոր աջակցություն՝ դեսպանի միջոցով Հայաստան ներկայանալու հարցում օժանդակելու համար: Բացի այդ՝ քննության ընթացքում ի հայտ բերեցինք Մոսկվայի քաղաքապետի մի հրաման, որը սահմանափակումների ընթացքում թույլ էր տալիս անձանց քրեական հետապնդման մարմիններ ներկայանալու համար տան, բակի, շրջանի տարածքը լքել: Սահմանափակում այդ մասով չկար: Այժմ հայտարարված է հետախուզում»:
Հարցին՝ չէի՞ն կարող կանխատեսել, որ Հայրապետյանը կարող էր լքել երկիրը, Գրիգորյանը պատասխանեց, որ նախ՝ Հայրապետյանը դեռ փետրվարից ՀՀ-ում չէ, իսկ ՔԿ-ում գործը հարուցվել է մարտ-ապրիլից: «Ինչ վերաբերում է մի շարք անձանց կողմից ՀՀ տարածքը լքելուն, Սահմանադրությունը նախատեսում է ազատ տեղաշարժի իրավունքը, և անձի տեղաշարժման իրավունքը կարող էր սահմանափակվել միայն այն դեպքում, երբ նրա նկատմամբ կա ընտրված խափանման միջոց՝ ստորագրությունը չհեռանալու մասին: Գրավի, կալանքի, այլ խափանման միջոցի կիրառման դեպքում անձի տեղաշարժման իրավունքը սահմանափակելու իրավունք չունենք: Իսկ ստորագրություն՝ չհեռանալու մասին խափանման միջոց ընտրելու համար անձը պետք է լինի կա՛մ մեղադրյալ, կա՛մ կասկածյալ»,-պարզաբանեց նա:
Հարցին՝ իշխանության կողմից ստացե՞լ են հանձնարարություն, որ նախկին իշխանությունների հետ փոխկապակցված անձանց մի քիչ «նեղություն» տան, Գրիգորյանը պատասխանեց՝ երբևէ նման հանձնարարություն չի եղել: «2018թ.-ից ի վեր շուրջ 150 հոգի ազատվել է, այդքան էլ ընդունվել է՝ ոչ քաղաքական նպատակներով»,-նշեց նա:
Հարցին՝ Նիկոլ Փաշինյանը գո՞հ է իր աշխատանքից, Գրիգորյանն արձագանքեց. «ՔԿ նախագահը նշանակվում է Կառավարությամն որոշմամբ, և այդ հարցերի հասցեատերը ես չեմ»:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Ով ինչպես է սիրում Հայաստանը
Չորս հայ գերրիներ են վերադարձել Հայաստան
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
«Գոլդեն Ֆլորենս»-ի արտադրական գործունեությունը կասեցվել է
ՀՅԴ-ն որոշում ունի․ որ ուժի հետ դաշինք կկազմի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...
Ազատել եմ աշխատանքից ՊՆ այն աշխատակիցներին, որոնց զավակները այլ երկրի քաղաքացի են․ Պապիկյան