Ինչպե՞ս գտնել ոստիկանության նկատմամբ հանրության պատկառանքի ճիշտ դոզան. Սա ամենաբարդ խնդիրն է
Ես շնորհավորելով պարոն Ղազարյանին ոստիկանապետի պատոնում նշանակվելու առիթով, ուզում եմ ասել, որ ամենաառաջին խնդիրը համարում եմ նրա կողմից այդ էներգիայի հաղորդելը, ոստիկանությանը նոր լիցք տալը համավարակի դեմ պայքարի առումով: Այս մասին այսօր՝ հունիսի 9-ին, Ոստիկանությունում նորանշանակ ոստիկանապետ Վահե Ղազարյանին ներկայացնելիս ասաց ՀՀ վարչապետ Նիկոլ Փաշինյանը:
«Ոստիկանության աշխատակիցը, ոստիկանության համազգեստը պետք է յուրաքանչյուր քաղաքացու մոտ առաջացնի պատկառանքի զգացում, պետք է ունեն խիստ զգաստացնող նշանակություն: Մյուս կողմից ոստիկանի տեսնելիս ՀՀ քաղաքացին իրեն պետք է պաշտպանված զգա, նրան ընկալի որպես յուրայինի: Երրորդ հանրապետության պատմության մեջ այս խնդիրը միշտ ունեցել է բարդություններ: Երբեմն եղել է, որ պատկառանքի դոզան եղել է չափից շատ՝ սահմանակցելով վախի եւ դրանից բխող նեգատիվ այլ զգացումների հետ: Երբեմն եղել է, որ պոզիտիվն այնքան շատ է եղել, որ ձգվածության եւ զգաստության զգացումը չափից ավելի քիչ է եղել: Սա իրականում ամենաբարդ խնդիրն է»,-ասաց Փաշինյանը՝ հավելելով, որ դա պահանջում է երկարատեւ աշխատանք։, գիտելիքի, փորձի վրա հիմնված աշխատանք:
Նա ընդգծեց, որ յուրաքանչյուր ոստիկան պետք է իրեն ընկալի որպես վարչապետի ներկայացուցիչ, որը շփվում է ժողովրդի, քաղաքացիների հետ, այդ թվում հանցագործների եւ իրավախախտների հետ. «Հանցագործները պետք է զգան դաժան, ուժեղ եւ չսասանվող ձեռք, իսկ օրինապահ քաղաքացիները պետք է զգան թիկունք, ամրություն, վստահություն եւ պաշտպանվածություն: Ես համոզված եմ, որ մենք ունենք բավարար կամք այս խնդրի հետեւից մինչեւ վերջ գնալու»:
Վարչապետի խոսքով, իր առջեւ խնդիր է եղել, որ ուժային կառույցները կայուն լինեն. «Ես չեմ ցանկացել հեղափոխությունից հետո ՀՀ ոստիկանությունը կամ ոստիկանության որեւէ աշխատակցի ընկալել որպես բարիկադների այն կողմում գտնվողն մարդ: Դուք բոլորդ վկա եք, որ այդպիսի վերաբերմունքի որեւէ դրսեւորում չի եղել: Ոստիկանության բոլոր աշխատակիցները ստացել են այդ շանսը՝ դիրքավորվել նոր Հայաստանի, նոր արժեքների, նոր նպատակների: Հիմա ժամ,անակ է ամփոփել, թե ով ինչպես է օգտագործել այդ հնարավորությունը: Հաջորդ խնդիրը հենց դա է՝ տեսնել, թե այդ հնարավորությունը ով ինչպես է օգտագործել:
Բոլոր այն մարդիկ, որոնք օգտվել են այդ հնարավորությունից եւ տվել են կոնկրետ արդյունքներ, իրենք պետք է տեսնեն, որ ոստիկանությունում պաշտոնեական առաջխաղացման, գնահատված լինելու բոլորովին նոր կանոններ են գործում, որ չկա ծանոթ, չկա ընկեր, բարեկամ, չկա թիկունք: Կա աշխատանք, կա պրոֆեսիոնալիզմ եւ կա նվիրվածություն, եւ բոլոր այն մարդիկ, որոնք գնացել են այս ճանապարհով, իրենք պետք է գնահատված զգան իրենց: Իսկ որոնք քամահրական վերաբերմունք են ցուցաբերել այս ճանապարհին, նրանք էլ պետք է գնան իրենց ճանապարհով: Նրանք այլեւս անելիք չունեն ՀՀ ոստիկանությունում: Իհարկե, պետք է շատ զգույշ լինել՝ թացը չորի հետ չխառնելու համար»,-ասսց Փաշինյանը:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Ով ինչպես է սիրում Հայաստանը
Չորս հայ գերրիներ են վերադարձել Հայաստան
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
«Գոլդեն Ֆլորենս»-ի արտադրական գործունեությունը կասեցվել է
ՀՅԴ-ն որոշում ունի․ որ ուժի հետ դաշինք կկազմի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...
Ազատել եմ աշխատանքից ՊՆ այն աշխատակիցներին, որոնց զավակները այլ երկրի քաղաքացի են․ Պապիկյան