Ինչո՞ւ մինչև հիմա չէր հրապարակվում Արգիշտի Քյարամյանի գնդապետի կոչում ստանալու որոշումը
ՀՀ ԱԱԾ նորանշանակ տնօրեն Արգիշտի Քյարամյանը գնդապետի կոչում ստացել է ԱԱԾ տնօրենի տեղակալի պաշտոնը զբաղեցնելու ժամանակահատվածում։ Այս մասին NEWS.am-ի հարցմանն ի պատասխան՝ հայտնեցին ԱԱԾ մամուլի կենտրոնից։
Նշենք, որ ավելի վաղ մեր հարցին՝ արդյոք Քյարամյանը գնդապետի կոչում ստացե՞լ է, ԱԱԾ մամուլի կենտրոնից նշում էին, որ չկա նման որոշում։
Մինչև այժմ պաշտոնապես Արգիշտի Քյարամյանի՝ գնդապետի կոչում ստանալը չի հրապարակվել։
Քյարամյանի՝ գնդապետի լինելու վերաբերյալ այսօր՝ հունիսի 8-ին, գրել է ՀՀ վարչապետ Նիկոլ Փաշինյանը, երբ նշել էր Քյարամյանի նշանակման մասին։
Նշենք, որ ԱԱԾ պաշտոնական կայքէջում այժմ էլ ԱԱԾ տնօրենի տեղակալների ցուցակում տեղ գտած բոլոր տեղակալների կոչումները նշված են, սակայն Քյարամյանի կոչումը գրված չէ։
Հիշեցնենք, որ այսօր ԱԱԾ տնօրեն է նշանակվել 1 օրում ՊՎԾ ղեկավարի տեղակալի պաշտոնից ազատված, ապա Քննչական կոմիտեի նախագահի տեղակալի պաշտոնում նշանակված, այդ պաշտոնից ազատված եւ ԱԱԾ տնօրենի տեղակալ նշանակված Արգիշտի Քյարամյանը։
Նշենք, որ Քյարամյանը երբ նշանակվել էր ԱԱԾ տնօրենի տեղակալ կոչումով եղել է փոխգնդապետ։ Խնդիրն այն է, որ «Ազգային անվտանգության մարմիններում ծառայության մասին» օրենքի 19-րդ հոդվածի 2-րդ մասով նախատեսվում է, որ պետական լիազոր մարմնի ղեկավարի տեղակալ կարող է նշանակվել ազգային անվտանգության մարմինների այն ծառայողը, ով մինչեւ նշանակումն զբաղեցրել է ազգային անվտանգության մարմինների ծառայողների բարձրագույն խմբի պաշտոն կամ մինչեւ նշանակումը առնվազն 3 տարի զբաղեցրել է ազգային անվտանգության մարմինների ծառայողների գլխավոր խմբի պաշտոն եւ ունի գնդապետից ոչ ցածր կոչում:
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Մահացել է ՀՀ վաստակավոր արտիստ Արտաշես Ալեքսանյանը
Ես քաղաքականությունից չեմ հեռանալու, քաղաքականության էջը չեմ փակում. Ալեն Սիմոնյան
Ճապոնիայի վարչապետն այցելել է Հնդկաստան
«Ուժեղ Հայաստան»-ը կվերցնի մանդատները և կգնա Ազգային ժողով
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Անահիտ Ավանեսյանը Ստամբուլում մասնակցում է առողջապահական համակարգերի պատրաստվածությանը նվիրված համաժ...
Ուկրաինան հարվածել է Ռուսաստանի վերջին խոշոր նավթավերամշակման գործարանին