Իր պատճառով նույնիսկ տփոց ենք կերել, իսկ էսօր մեզ ուզում է սպանի՞. գյուղացիները չեն թողնում փակել «Մեյմանդարի» շուկան

Արարատի մարզի Գայ համայնքի վարչական տարածքում գտնվող «Մեյմանդարի» հայտնի բնամթերքի մեծածախ շուկան ոստիկանները ցանկանում են փակել, ինչին ընդդիմանում են գյուղացիները, որոնք բողոքի ակցիա են իրականացնում:

«Ես երկու ուսանող ունեմ, եկել եմ այս շուկան,իմ երկու ուսանողներին փրկել եմ, ինչի՞ են փակում շուկան»,-ասաց գյուղացիներից մոկը, որն այնքան հուզվեց, որ չկարողացավ շարունակել:

«Սաղ մեր ուժերով ա դարձել վարչապետ, մենք ենք իրեն ընտրել, ճամփեքն ենք փակել, իր պատճառով նույնիս տփոց ենք կերել, իսկ էսօր մեզ ուզում է սպանի՞»,-ասաց մեկ այլ մասնակից:

Մեկ ուրիշն էլ նշեց, որ իրենց պանիկայի մեջ են գցում, ստիպում են վախենալ «գրիպից». «Գրիպից վախեցողը ո՞նց կարա թուրքի դեմ կռվի: մարդը արարել է, ստեղծել է, էսօր ասում է՝ ապրանքը թափեք, գնացեք մեռեք: Մեռնողի համար ի՞նչ տաբերություն կուտ ա մեռել, թե սոված: Եթե Արտաշատի շուկայի համար ճանապարհ են հարթում, դա հարցի մյուս կողմն է: Եթե փակում են, պետք է նախօրոք մարդկանց տեղյակ պահեն, որովհետեւ միլիոններով ապրանքը պահեստներում է: Դուք ասում եք՝ բազառը փակեք, էդ ապրանքը տարեք թափեք: Կառավարիչ նշանակում է հոգ տանել ժողովրդի մասին: Ոնց դրել ենք, տենց էլ կհանենք: Ուժեղից ուժեղն էլ կա: Եթե մարդկանց ստիպում են, ուրեմն մարդիկ դուրս կգան ու կպայքարեն իրենց ազատության համար: Էս երկիրը»:

Գյուղացիները նշում են, որ 100-ավոր կիլոգրամներով ապրանքը քաղել են, հիմա չեն կարողանում վաճառել, իսկ իրենք վարկերի տակ են:

«Մայիսի 30-ին Արտաշատի բազարը բացվեց, էդ օրվանից որոշեցին, որ ստեղ կորոնավիրուս կա, պետք է փակվի: Թող 15 օր առաջ ասեին, ինչի՞ հենց հիմա որոշեցին փակել: Եթե էս իմ ապրանքը էսօր չծախեմ, պետք է ամբողջը թափեմ: Էդ մարդը, որ որոշել է շուկան 24 ժամով փակել, կարողանալո՞ւ է իմ կամ այստեղ կանգնողների փողը տա»,-ասացին նրանք: