Փաշինյանն անկանխատեսելի գործիչ է, նրա հետ պայմանավորվելը բարդ է. քաղաքագետ Գրիգորի Տրոֆիմչուկը՝ գազի սակագնի շուրջ չհաջողված բանակցությունների մասին
Գազի սակագնի հարցն ունի և՛ օբյեկտիվ, և՛ սուբյեկտիվ պատճառներ, օբյեկտիվ է այն, որ Հայաստանն ու Ռուսաստանը այլևս չեն գտնվում Խորհրդային Միության մեջ, որտեղ հումքը եղբայրական երկրներին համարյա անվճար էր տրվում: Tert.am-ի հետ զրույցում նման դիտարկում արեց միջազգայնագետ, անվտանգության և պաշտպանության ոլորտների ռուսաստանցի փորձագետ Գրիգորի Տրոֆիմչուկը՝ անդրադառնալով նրան, թե ինչու Հայաստանին այդպես էլ չի հաջողվում Ռուսաստանի հետ գազի սակագնի նվազման շուրջ բանակցություններում հաջողել, իսկ օրինակ, Վրաստանի դեպքում Ռուսաստանը նախատեսում է իջեցնել գինը 15 տոկոսով:
«ԵԱՏՄ-ը, ինչպես հայտնի է, քաղաքական բլոկ չէ, առանձին սուվերեն պետությունների միություն: Այդ իսկ պատճառով սակագնի համար, որը ժամանակին համարյա ոչինչ չարժեր, հիմա պետք է բանակցել առանձին»,- ասաց նա:
Ըստ քաղաքագետի՝ ռուսական գազի սակագնի շուրջ համաձայնություն ձեռք չի բերվում նաև այլ օբյեկտիվ պատճառով. ժողովրդավարական երկրների տնտեսություններում չի կարող լինել ֆիքսված մեկ սակագին ապրանքի համար, և արտադրողը կամ վաճառողը կարող են սահմանել իրենց ցանկացած գինը:
«Այդ իսկ պատճառով այնպիսի դեմոկրատն ու լիբերալը, ինչպիսին Նիկոլ Փաշինյանն է, պետք է ողջունի առևտրում նման մոտեցումն ու սկզբունքները»,- ասաց նա:
Ըստ Տրոֆիմչուկի՝ մեկ այլ օբյեկտիվ պատճառ է աշխարհագրությունը: «Այս առումով Հայաստան հումքի մատակարարումն ավելի դժվար է, քան Բելառուսի կամ Վրաստանի դեպքում, քանի որ չունի Ռուսաստանի հետ ընդհանուր սահման»,- ասաց նա:
Այնուհետ ռուսաստանցի վերլուծաբանն անցավ Հայաստանի՝գազի սակագնի շուրջ դեռևս չհաջողված բանակցությունների սուբյեկտիվ գործոններին: Դրանցից մեկը, ըստ նրա, Հայատսանի վարչապետ Նիկոլ Փաշինյանի անձն է:
«Նիկոլ Փաշինյանը, մեղմ ասած, անկանխատեսելի գործիչ է, դրա համար նրա հետ պայմանավորվելը բարդ է: Այսօր նա քեզ վրա կգլորի մեկ խնդիր, իսկ վաղը` լրիվ այլ: Դրանում համոզվել ենք այս երկու տարիների ընթացքում: Նման քաղաքական գործիչների վրա երկարատև հեռանկարում դժվար է հույս դնել: Սերժ Սարգսյանի հետ նման հարցեր լուծելն ավելի հեշտ էր»,- ասաց նա:
Նրա խոսքով՝ այնուամենայնիվ, Փաշինյանին ընտրել է ժողովուրդը, դրա համար հենց ժողովուրդն էլ պետք է հասկանա, թե ինչ «փառատոն» կարող է նա սարքել: «Մի փոքր տագնապ է առաջացնում նաև ԵԱՏՄ-ում Հայաստանի և Բելառուսի ղեկավարների բլոկ ստեղծելը գազի սակագնի հարցում, և այս կառավարությունը չի կարող չհասկանալ, թե ինչպես է դիտվում նման ֆրակցիան պրակտիկայում բոլորի համար այս դժվար պահին»,- ասաց նա՝ ամեն դեպքում հույս հայտնելով, որ հայ-ռուսական պայմանավորվածությունները կյանքի կկոչվեն երկու կողմերի համար էլ ընդունելի տարբերակով:
Մահացել է ՀՀ վաստակավոր արտիստ Արտաշես Ալեքսանյանը
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...
Կարծում եմ, որ այս հակամարտությունը կարող է լուծվել. Թրամփ