Առաջիկա 4 օրերը վարակի տարածման առումով վտանգավոր են լինելու, մեր տեղեկություններով որոշ խմբեր լոկալ միջոցառումներ են կազմակերպելու. Արայիկ Հարությունյան
Կարծում եմ, որ առաջիկա չորս օրերը վարակի տարածման առումով վտանգավոր են լինելու, քանի որ հանգստյան օրեր են: Այս մասին այսօր կառավարության հերթական նիստին ասաց ՀՀ կրթության, գիտության, մշակույթի և սպորտի նախարար Արայիկ Հարությունյանը՝ անդրադառնալով կորոնավիրուսի տարածման խնդրին:
«Մեր տեղեկություններով ուսումնական տարվա ավարտի հետ կապված որոշ խմբեր լոկալ միջոցառումներ են կազմակերպելու, մենք թեև ուսումնական հաստատություններին զգուշացրել ենք նման միջոցառումներ չիրականացնել, բայց ունենք այդպիսի տեղեկություններ»,-ասաց նա:
Արայիկ Հարությունյանը հորդորեց զերծ մնալ նման միջոցառումների կազմակերպումից: «Վերջին զանգը մեր շրջանավարտների կյանքում շատ կարևոր միջոցառում է և խոստացել ենք, որ համավարակի հաղթահարման հնարավորություններ ունենալու դեպքում մեկ օր կնշանակենք և միասին կնշենք այդ օրը»,-ասաց նա:
Նախարարը նաև անդրադարձավ սրբավայրերին և նշեց, որ նախորդ շաբաթը մասնավորապես Սպիտակի Սուրբ Հովհաննես մատուռի մոտ հսկայակա կուտակումներ են եղել և խնդրեց, որ ոստիկանությունը հսկողություն իրականացնի և թույլ չտա նման կուտակումներ, քանի որ դրանք դառնում են վարակի տարածման աղբյուր:
Վարչապետ Նիկոլ Փաշինյանը նշեց որ պետք է դպրոցի տնօրենների և համայնքի ղեկավարների համար պատասխանատվություն սահմանել:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Ով ինչպես է սիրում Հայաստանը
Չորս հայ գերրիներ են վերադարձել Հայաստան
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է
ՀՅԴ-ն որոշում ունի․ որ ուժի հետ դաշինք կկազմի
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Ես ուրախ եմ տեսնել հայ գերիների ազատ արձակումը