Երկրին պետք է անցումային իշխանություն․ քաղաքագետ
Հայաստանում առաջացել է շատ հակասական և պարադոքսալ իրավիճակ՝ մի կողմից պետության մեջ կա ազգային համախմբվածության մեծ պահանջ, մյուս կողմից՝ բոլորը գիտակցում են, որ երկրի ղեկավարը ոչ միայն չի համապատասխանում այդ դերին, այլև՝ գլխավոր պառակտիչն է: Այս մասին Tert.am-ի հետ զրույցում ասաց քաղաքագետ Երվանդ Բոզոյանը՝ անդրադառնալով Սուրբ Աթոռում ՀՀ նախկին դեսպան Միքայել Մինասյանի ֆեյսբուքյան գրառմանը, համաձայնի որի՝ երկրում վիճակն իրոք վատ է, և «Իմ քայլը» խմբակցությունը կարող է կատարել «իր քայլը»՝ ընտրելով նոր վարչապետ:
«Երկրում կա ազգային համաձայնությամբ իշխանության ձևավորման պահանջ, որը լրջագույն պահանջ է, որովհետև, երբ երկիրը հայտնվում է բնական աղետի կամ պատերազմի մեջ, միշտ առաջանում է այդ պահանջը: Եթե նկատենք՝ կորոնավիրուսի հետ կապված աշխարհի գրեթե բոլոր երկրներում առաջանում է ազգային համախմբվածության գաղափարը, որովհետև, երբ մարդը հայտնվում է ծանր վիճակում, մոռանում է լինել իշխանություն կամ ընդդիմություն և փորձում է փնտրել հենման կետ պետության մեջ, սակայն այսօր ՀՀ-ում ժողովուրդը տեսնում է, որ իր երկրի ղեկավարը պառակտիչ է, նա ոչ թե փորձում է կոնսոլիդացնել հասարակությունը, այլ՝ պառակտում է: Պառակտող մարդը չի կարող կոնսոլիդացնել երկիրը պատերազմի, բնական աղետի ժամանակ»,-պարզաբանեց քաղաքագետը, այնուհետև մանրամասնեց, թե այս պարագայում ինչ կարող է տեղի ունենալ:
«Այս դեպքում, բնականաբար, թե՛ հասարակության, թե՛ ընդդիմության , թե՛ իշխանության մեջ պետք է առաջանա միտում, որ այդ խնդիրն իրագործվի: Կարծում եմ՝ իշխանության թևում պետք է առաջանան շրջանակներ, որոնք պետք է փորձեն այդ գաղափարն իրենց կողմից իրագործել: Այդ թևի ու ընդդիմության՝ իրար մոտենալու արդյունքում պետք է առաջանա նոր իշխանության ձևավորման խնդիրը: Ակնհայտ է, որ այդ պրոցեսն ընթանում է, կանգ չի կարող առնել, հակառակ դեպքում Հայաստանը կարող է հայտնվել շատ վտանգավոր վիճակում, որովհետև այն մարտահրավերները, որ Հայաստանի առջև են, շատ լուրջ են»,-ասաց Բոզոյանը:
Թե ով կարող է դառնալ վարչապետ, Բոզոյանը նշեց, որ այդ հարցին պատասխանել չի կարող, սակայն որ երկրին պետք է անցումային, ժամանակավոր իշխանություն, որը կկարողանա հասարակությունը կոնսոլիդացնել այս դժվար պայմաներում, ակնհայտ է:
«Եթե նորընտիր վարչապետը գործի ազգային համախմբվածության օրակարգով, դադարեցնի անպտուղ հետապնդումները քաղաքական հակառակորդների, բիզնեսի հանդեպ, ապա նրան կհաջողվի չկրկնել Փաշինյանի ձեռագիրը»,-ասաց Երվանդ Բոզոյանը:
Մահացել է ՀՀ վաստակավոր արտիստ Արտաշես Ալեքսանյանը
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
«Ուժեղ Հայաստան»-ը կվերցնի մանդատները և կգնա Ազգային ժողով
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Կարծում եմ, որ այս հակամարտությունը կարող է լուծվել. Թրամփ
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...