Մեկ օրում կորոնավիրուսի 230 նոր դեպք. ապաքինվել է 255 մարդ, հիվանդների թիվը նվազել է 30-ով. 3 պացիենտ մահացել է

Հայաստանում մայիսի 20-ի ժամը 11:00-ի դրությամբ նոր կորոնավիրուսով վարակվելու 230 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:

Ընդհանուր առմամբ՝ մայիսի 20-ին հաստատվել է կորոնավիրուսի 5271 դեպք:

Ընդհանուր թեստերի թիվը կազմում է 44071 (վերջին մեկ օրում՝ 1030): Փաստացի այս պահին բուժվում է 2758 անձ (մեկ օրում նվազել է 30-ով):

Վերջին տվյալներով ապաքինվել է 2419 անձ (վերջին մեկ օրում՝ 255 մարդ), 67 պացիենտ մահացել է (ավելացել է 3-ով):

Եվս 2 քաղաքացի, ում մոտ կորոնավիրուս է ախտորոշված եղել, մահացել են այլ հիվանդություններից: Այդպիսի դեպքերի ընդհանուր թիվը 27 է: