Չեմ վախենում միայնակ մնալուց․ վարչապետը՝ իր հետ քայլածներից բաժանվելու մասին
Երբեք չեմ վախեցնել նրանից, որ կարող եմ մնալ միայնակ, մամուլի ասուլիսի ժամանակ ասաց ՀՀ վարչապետ Նիկոլ Փաշինյանը։
«Քաղաքական գործունեության մեջ ես երբեք չեմ վախեցել միայնակ մնալ։ Իմ քաղաքական գործունեության ընթացքում եղել են պահեր, երբ ինձ կոնկրետ հարցրել եմ՝ «իսկ ովքե՞ր են այս պահին իմ քաղաքական համախոհները»։ Այս հարցին ունեցել եմ մի պատասխան՝ իմ ընտանիքը, որի մեծամասնությունը նախկինում անչափահասներ էին, որոնք այդքան էլ գլխի չէին ընկնում, թե ինչի մասին է խոսքը», - ասաց Փաշինյանը։ Նա ընդգծեց՝ գուցե դա վատ է, բայց երբ հարցն ունի սկզբունքային, գաղափարական նշանակություն, ինքը շարունակում է չվախենալ մենակ մնալ, քանի որ դրա այլընտրանքը հարմարվողականությունն է։ «Դա ճիշտ մոտեցում է, հակառակը հարմարվողականությունն է, որ անընդհատ հարմարվես ինչ-որ հարցերի, շահերի և այդպես տեղավորվես կոմֆորտ իրավիճակում», - ավելացրեց Փաշինյանը։ Վարչապետը նշեց, որ իր լրագրողական գործունեությունը հենց սկզբից իր մեջ ունեցել է շատ կարևոր գաղափարախոսական և քաղաքական կոմպոնենտ: «Ես այն ընկալել եմ որպես քաղաքական գործունեության մաս: Հնարավոր է, որ շատ լրագրողներ ինձ որպես 100 տոկոսանոց լրագրող չեն էլ ընդունել: Դրանում միգուցե ունեցել են իրենց հիմնավորումները։ Իսկ հիմա ԶԼՄ-ների հետ շփվում եմ արդեն որպես երկրի ղեկավար, ինչն ունի իր բարդություններն ու նրբությունները: Գուցե դա վատ է, ես չգիտեմ»,-ասաց նա:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կրկին ակտիվացել են ՆԳՆ անունից զեղծարարության փորձերը
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Արարատ Միրզոյանն աշխատանքային այցով կգտնվի Էստոնիայի Հանրապետությունում
Միլանը հյուրընկալվել էր Ջենոային
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին
Ստեփանծմինդա-Լարս ավտոճանապարհը փակ է բեռնատարների համար