Շուշիի ազատագրման օրը Արցախի հերոս Ռոբերտ Քոչարյանը պետք է ազատ արձակվի. Շարմազանով
Արցախի հերոսն անօրինական կալանքի տակ է գտնվում: Այս մասին ՀՀ երկրորդ նախագահ Ռոբերտ Քոչարյանի եւ մյուսների գործով դատական նիստից առաջ լրագրողների հետ զրույցում հայտարարել է Հայաստանի Հանրապետական կուսակցության փոխնախագահ Էդուարդ Շարմազանովը:
«Մենք առաջին օրվանից դատապարտել են ապօրինի ձերբակալությունը: Շուշիի ազատագրման օրն Արցախի հերոսը պետք է ազատվի, Հայկը կհաղթի Բելին (էպոսի հերոսներ` խմբ.)»,- հայտարարել է Շարմազանովը: Մեկ բառով բնութագրելով դատական գործընթացը` նա այն «ազգային խայտառակություն» անվանեց: «Սա խայտառակություն է: Թուրքին ծնկի բերած հերոսը կալանքի տակ է: Այսօր խորհրդանշական օր է: Դատարանն ու դատավորը պետք է գործի ոչ թե Փաշինյանի հրամանով, այլ` օրենքով»,- հայտարարել է Շարմազանովը:
Նա ընդգծել է, որ երբեք պատրանքներով չի ապրել, սակայնառաջին օրվանից դատարանում է, սատարում է Ռոբերտ Քոչարյանին: «Այսօրվա նիստից սպասելիքներ կան. այսօր խորհրդանշական օր է: Կալանքի շարունակությունը ամոթ է: Գործը շինծու է: Ակնհայտ է, որ Նիկոլ Փաշինյանի PR ակցիան տեղի չունեցավ: Դեռ 2 տարի առաջ նա հայտարարեց մարտի 1 գործի բացահայտման մասին: Ակնհայտ է, որ դա այդպես չէ: Իսկ Ռոբերտ Քոչարյանի վրա մեղքը բարդելու փորձերն անիմաստ են: Դա չի հաջողվի: Պոպուլիստները գալիս եւ գնում են: Ազգային հերոսները մնում են: Քոչարյանը պատմության մեջ որպես հերոս կմնա, հերոս-նախագահ, որը վերականգնեց տնտեսությունը եւ բարձրացրեց Հայաստանի հեղինակությունը, բանակցություններում զգալի առաջընթաց գրանցեց: Շուշիի ազատագրման օրը չարախնդալու հիմք չտալ Հայաստանի թշնամիներին»,- ասաց Շարմազանովը:
Հիշեցնենք, որ այսօր Ռոբերտ Քոչարյանի փաստաբանները մտադիր են միջնորդություն ներկայացնել անձնական երաշխավորության դիմաց ազատ արձակման մասին: Քոչարյանի համար պատրաստ են երաշխավորություն ներկայացնել ՀՀ նախկին վարչապետներ Վազգեն Մանուկյանը, Խոսրով Հարությունյանը, Կարեն Կարապետյանը եւ Արցախի նախկին վարչապետ Անուշավան Դանիելյանը:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Ով ինչպես է սիրում Հայաստանը
Չորս հայ գերրիներ են վերադարձել Հայաստան
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է
Ես ուրախ եմ տեսնել հայ գերիների ազատ արձակումը
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...