ՀՀ կառավարությունը նախադպրոցական կրթության համակարգի արմատական բարեփոխում է առաջարկում. նախարար
«Նախադպրոցական կրթության մասին» օրենքում փոփոխություններ կատարելու օրենսդրական նախաձեռնությունը հանրապետությունում նախադպրոցական կրթության համակարգի արմատական բարեփոխում է ենթադրում: Այս մասին մայիսի 5-ին ՀՀ Ազգային ժողովի նիստին «Նախադպրոցական կրթության մասին» օրենքում փոփոխություններ կատարելու մասին օրինագծի երկրորդ ընթերցմամբ քննարկման ժամանակ հայտարարեց հանրապետության կրթության, գիտության, մշակույթի եւ սպորտի նախարար Արայիկ Հարությունյանը:
Ներկայացված օրենսդրական նախաձեռնությունը, նրա խոսքով, սահմանում է պետական քաղաքականության սկզբունքները նախադպրոցական կրթության բնագավառում եւ ապահովում է իրավակազմակերպչական, ֆինանսական եւ տնտեսական հիմքերը, բոլորի համար նախադպրոցական կրթություն ստանալու հավասար իրավունքի իրացումը, կարգավորում է նախադպրոցական կրթության գործընթացում մասնակցող ֆիզիկական եւ իրավաբանական անձանց իրավական հարաբերությունները, ինչպես նաեւ ուղղված է դրա մատչելիության ապահովմանը:
Նախարարը հայտարարեց, որ առաջին եւ երկրորդ ընթերցումների միջեւ ընկած ժամանակահատվածում փաստաթուղթը զգալիորեն փոփոխվել է, ինչը հեղափոխական բարեփոխումներ է ենթադրում նախադպրոցական կրթության ոլորտում` ինչպես իր բովանդակությամբ, այնպես էլ ներդրված կարգավորիչ մեխանիզմների առումով: Մասնավորապես, նա նշեց, որ տարանջատվել են նախադպրոցական կրթության նպատակներն ու խնդիրները եւ, որպես խնդիր, ավելացվել են նախադպրոցական կրթության սոցիալական նշանակության եւ դրա որակի բարձրացումը, բարձրորակ, մատչելի եւ ներառական նախադպրոցական կրթություն ստանալու հավասար իրավունքի ապահովումը:
Բացի այդ, նշվում է, որ հաստատության ղեկավարի համար հայտարարված մրցույթում կարող է մասնակցել վերապատրաստում անցած եւ համապատասխանության վկայական ստացած անձը: Փաստաթղթում նշվում են նաեւ տնօրենի գործառույթները եւ հաստատության զարգացման ռազմավարության մշակման պահանջը: Ինչպես նաեւ նկարագրված են նախադպրոցական բժշկական հաստատությունների տեսակները, վերամշակվել են կառավարման մարմինների լիազորություններին վերաբերող դրույթները, ավելացվել են հաստատությունների գործունեության գնահատման վերաբերյալ դրույթները: Մասնավորապես, ներքին եւ արտաքին գնահատումներ են իրականացվելու:
Մահացել է ՀՀ վաստակավոր արտիստ Արտաշես Ալեքսանյանը
«Ուժեղ Հայաստան»-ը կվերցնի մանդատները և կգնա Ազգային ժողով
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Կարծում եմ, որ այս հակամարտությունը կարող է լուծվել. Թրամփ
Շատ եմ ցանկանում, որ չեմպիոն դառնա ֆուտբոլ խաղացող հավաքականը