Նիկոլ Փաշինյանը պահանջել է՝ ցանկացած պատրվակով իմ նկատմամբ քրեական գործ հարուցել․ Արթուր Վանեցյան
Եթե վստահ են, որ ես խախտում եմ թույլ տվել, թող Նիկոլ Փաշինյանը դիմի դատախազություն, եթե մեղավոր լինեմ՝ պատրաստ եմ կրել պատասխանատվություն, եթե պարզվի, որ մեղավոր չեմ, ուրեմն նա պետք է ենթարկվի քրեական պատասխանատվության՝ սուտ մատնության համար։ Այս մասին Արմնյուզ ՀԸ «Անվտանգության գործոն» ծրագրին հայտարարել է ԱԱԾ նախկին տնօրեն, անվտանգության գեներալ-մայոր Արթուր Վանեցյանը
«Ես վարչապետի սիրած բառերով կասեմ։ Օդում կախված լուրերի համաձայն, Նիկոլ Փաշինյանը երեկ շատ վատ հանդիպում է ունեցել իրավապահ համակարգի ներկայացուցիչների հետ, որի ժամանակ պահանջել է՝ ցանկացած մի պատրվակով իմ նկատմամբ քրեական գործ հարուցեն և ինձ ենթարկեն քրեական պատասխանատվության»,- ասել է Արթուր Վանեցյանը։
Վանեցյանի խոսքով՝ դրանով է բացատրվում այն հանգամանքը, որ վարչապետի մամուլի խոսնակը կեսգիշերին մոտ հայտարարություն է արել, որտեղ նաև իր անունն էր հիշատակել։
«Իրավապահ համակարգի ներկայացուցիչները հրաժարվել են ոչ թե իմ նկատմամբ կատարել այս կամ այն գործողությունները, այլ ասել են, որ օպերատիվ-հետախուզական գործողությունների արդյունքում որևէ հակաօրինական արարք Արթուր Վանեցյանի գործունեության մեջ չի հայտնաբերվել»,- նշել է Արթուր Վանեցյանը և հավելել․
«Արդյունքում վարչապետը պատասխանել է, որ եթե դուք չեք կարողանում այդ հարցը լուծել, կլուծեմ ես։ Եվ գիշերը՝ ժամը 12-ին, դուրս է գալիս մամուլի խոսնակի հայտարարությունը, որտեղ վերջին նախադասությամբ շատ հստակ ու ուղիղ հանձնարարական է տրվում իրավապահ մարմիններին ձեռնարկել միջոցառումներ այդ հանցագործությունները բացահայտելու ուղղությամբ»,- պատմել է Արթուր Վանեցյանը։
Ըստ ԱԱԾ նախկին տնօրենի այս ամենի նպատակն է շեղել հասարակության ուշադրությունը շատ կարևոր հարցերից։ Արթուր Վանեցյանը պնդել է նաեւ, որ քաղաքական ղեկավարության քմահաճույքով՝ երկրում տեղի է ունենում ընտրովի արդարադատություն։
Ապօրինի գույքի բռնագանձման օրինագծի ընդունմամբ ցանկացած մարդ կարող է դառնալ քրեական հետապնդման օբյեկտ, ասել է նա։
«Շատ քաղաքացիներ կարող են ուրախանալ, թե վերջապես թալանչիներին կբռնեն, բայց այդ օրենքը կարող է հենց իրենց վերաբերվել։ Թող փորձի նա քաղաքական հայտարարություն անել, անմիջապես նրա դեմ կկիրառեն այդ օրենքը։ Հայկական ընտանիքների համար տւոնը, օջախը բարձր արժեքներ են, ասում են չէ՝ սամասուդներ․․․ Հիմա, երբ այդպիսի քայլերի կգնան՝ կտեսնենք եւ սամասուդներ, եւ վենդետաներ», ասել է Արթուր Վանեցյանը։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար