Ջերմոցային տնտեսությունների ներկայացուցիչները պահանջում են հետաձգել կոմունալ վճարումները մինչեւ հունիս

Մենք ձգտում ենք հասնել կոմունալ վճարումների` մինչեւ հունիս հետաձգմանը, երբ բերքի գագաթնակետը կլինի եւ հույս կհայտնվի, որ ճանապարհները կբացվեն եւ արտահանումը կվերսկսվի: Այս մասին NEWS.am-ի թղթակցի հետ զրույցում ասաց «Ջերմոցային ասոցիացիա» ՀԿ նախագահ Պողոս Գեւորգյանը։ Ըստ նրա` ՀՀ էկոնոմիկայի նախարար Տիգրան Խաչատրյանը խոստացել է աջակցել այս հարցում:

«Ժամկետները դեռ որոշված չեն, բայց միանշանակ պետք է վճարումների նոր ժամանակացույց կազմել, ցանկալի է` յուրաքանչյուր տնտեսվարող սուբյեկտի հետ անհատական կարգով: Այս փուլում հաջողվել է հասնել նրան, որպեսզի գազը չանջատեն»,- ասաց ՀԿ ղեկավարը:

Նա պարզաբանել է, որ ամենալուրջ խնդիրները ծաղկաբուծական տնտեսություններն ունեն, որոնք արդեն 2 ամիս է ոչինչ չեն վաճառվում: «Մեր խնդրանքները հիմնականում կապված են այդ տնտեսությունների հետ: Ինչ վերաբերում է բանջարանոցային տնտեսություններին, ապա իրավիճակը դեռ գոհացուցիչ է` հաշվի առնելով, որ գարունը լավ ժամանակահատված է ինչպես արտադրության, այնպես էլ վաճառքի առումով, չնայած որ այս տարի ծավալները սովորականից դեռ փոքր են: Ապագայում վաճառքի հետ կապված խնդիրներից խուսափելու համար անհրաժեշտ է սահմանափակել թուրքական ջերմոցային արտադրանքի ներմուծումը Հայաստան»,- հավելեց Գեւորգյանը: