Հետագայում նույն Աննա դանիբեկյանները դառնալու են այսօրվա մեղքերի պատասխանատուները․ Մանթաշյան

Ես, քավ լիցի, որևէ կնոջ էսթետիկ գեղեցկացման պրոցեսներին, որպես տղամարդ, որպես քաղաքացի դեմ չեմ, նույնիսկ ողջունում եմ, բայց երբ այդ պրոցեսը դրվում է նժարի մի կողմում իսկ մյուս կողմում անձի ազատության խնդիր է դրված, որը հերոս է, ՀՀ և Արցախի նախագահ է, այսօր մի տիկնոջ էսթետիկ գեղեցկությունը այդ մարդու թեկուզ մեկ վայրկյանի ազատության հետ համատեղելի է դիտարկվում, սա արդեն լկտիություն է։ Այս մասին լրագրողների հետ հանդիպմանն ասաց «Այլընտրանք» ՀԿ նախագահ Նարեկ Մանթաշյանը։

«Այս պրոցեսում ուղիղ մեղադրանք Աննա Դանիբեկյանին չեմ տա, որովհետև շատ դատավորներ այսօր իրենց անցյալի գերին են և անցյալում գործած որևէ մեղք այս իշխանությունները սեղմում են ցավացնելով ստիպում նրանց նոր մեղքերի։ Հետագայում նույն Աննա դանիբեկյանները դառնալու են այսօրվա մեղքերի պատասխանատուները»,- ասաց Մանթաշյանը։