Եթե ապացուցեն, որ սպիրտը թանկացել է՝ պատրաստ եմ դիմում գրել և աշխատանքից դուրս գալ. ՏՄՊՊՀ նախագահ

 ԱԺ տնտեսական մշտական հարցերի հանձնաժողովի նիստին ԲՀԿ պատգամավոր Սերգեյ Բագրատյանը Տնտեսական մրցակցության պաշտպանության պետական հանձնաժողովի նախագահ Գեղամ Գևորգյանին ասաց, որ անբարեխիղճ մրցակցության հետևանքով է բարձրացել ապրանքների գները, գերշահույթ ստանալ ցանկացողին պետք է անբարեխիղճ մրցակցող համարել:

Ի պատասխան ԱԺ պատգամավորի՝ Գեղամ Գևորգյանն ասաց, որ անբարեխիղճ մրցակցությունը կապ չունի գնի թանկացման հետ, իրենք միայն խոշոր տնտեսավարող սուբյեկտների գներին են նայում և միայն նրանց կարող են պատժել:

Սերգեյ Բագրատյանը հոդորեց խեղդել ֆեյքնյուզերին. «Եթե ես և Մադաթյանը ձու ենք ծախում, ես գինն իջացնում եմ, ստացվում է, որ ես անբարեխիղճ մրցակցություն եմ անում։ Պարոն Գևորգյան, Դուք պետք է շատ աշխատեք, պետք է անընդհատ ինֆորմացիա տաք»:

Անդրադառնալով այս օրերին սպիրտի թանկացմանը՝ Գեղամ Գևորգյանն ասաց. «Պատրաստ եմ դիմում գրել և աշխատանքից դուրս գալ, եթե ապացուցեն, որ, օրինակ՝ սպիրտը թանկացել է: Բացեք Հարկային օրենսգրքի 88 հոդվածը, որն ուժի մեջ է մտել հունվարի 1-ից, եթե իմ ասածը սխալ կլինի, պատրաստ եմ դիմում գրել և դուրս գալ աշխատանքից»:

Հանձնաժողովի նախագահ Բաբկեն Թունյանն ասաց, որ միայն իրեն չէ` բոլորին էլ ասում են, որ չեն աշխատում, ինչին ի պատասխան` Գեղամ Գևորգյանն ասաց, որ իրեն մեղադրում են հանցավոր անգործության մեջ. «Եթե միայն մեղադրեին չաշխատելու մեջ՝ դա դեռ ոչինչ»: