Մեր խնդիրը նոր աշխատատեղերի ստեղծումն է. Նիկոլ Փաշինյան
Կառավարության գործունեությունը վերածվել է հակաճգնաժամային օպերատիվ շտաբի գործունեության, բայց կարեւոր է արձանագրել, թե ընդհանուր առմամբ որն է մեր ընդհանուր պատկերացումը սոցիալ-տնտեսական դժվարությունների հաղթահարման վերաբերյալ: Կառավարությունում այսօր կապիտալ ծրագրերի իրականացման ընթացքին վերաբերող տեղի ունեցած խորհրդակցությանը ասաց ՀՀ վարչապետ Նիկոլ Փաշինյանը:
«Ըստ էության մենք այսօր կենտրոնանում ենք հետեւյալ խնդիրը լուծելու, խոսքը աշխատատեղերի ստեղծման մասին է, հենց որ դրա լուծումը համաճարակային առումով կդառնա հնարավոր: Մենք գիտենք, որ կորոնավիրուսի բերած հետեւանքների պատճառով աշխատաշուկայում շատ լուրջ փոփոխություններ են տեղի ունենալու եւ կառավարությունը պետք է խթանի նոր աշխատատեղերի ստեղծումը: Որն է այն գործիքը, որով կառավարությունը կարող է խթանել աշխատատեղերի ստեղծումը, առաջնային իմաստով, դա մեր պատկերացմամբ կապիտալ ծախսերի արդյունավետ իրականացնումն է եւ կապիտալ ծախսերի ծավալների հնարավոր մեծացումը»,- ասաց նա:
Վարչապետի խոսքով` այսօր կառավարության աշխատանքը բաժանվել է հիմնական 2 մասի. «Առաջին մասը պարետատան գործունեությունն է, որի առաջ դրված է երբեմն իրար հակասող խնդիրներ` առաջինը դա վարակի տարածումը կանխելն է, եւ երկրորդը` օր առաջ պայմաներ ստեղծել, որ ավելի ու ավելի հիմնարակներ, ձեռնարակություններ հնարավորություն ունենան աշխատել եւ ավելի շատ տնտեսական գործունեության դաշտ բացվի, որը իր հերթին չբերի համճարակային նոր բռնկման: Բոլորս հասկանում ենք, որ սա շատ բարդ խնդիր է, եւ սա է պատճառը, որ կառավարությունը արտակարգ դրություն հայտարարեց, այս խնդիրը լուծելու համար»:
Երկրորդ ուղղությունը, վարչապետի խոսքով, սոցիալական-տնտեսական աջակցության միջոցառումների իրականացումն է եւ կապիտալ ծախսերի խթանումը:
«Հայաստանում խրոնիկ, միշտ եղել է կապիիտալ ծախսերի թերակատարում, բայց այս նոր իրավիճակում, համաճարակային պայմաններում, կապիտալ ծախսերի արդյունավետ օգտագործումը եւ դրա հնարավոր շրջանակի եւ ներդրման հնարավորությունը առանձնակի կարեւորություն է ստանում: Այդ պատճառով տնտեսական ուղղության մեր խնդիրը հենց կապիտալ ծախսերի խթանման միջոցով նոր աշխատատեղերի ստեղծումն է եւ սա պետք է լինի մեր կառավարության առաջնահերթությունը տնտեսական ճգնաժամային կառավարման ընթացքում»,-ասաց Փաշինյանը:
Նիկոլ Փաշինյանը հավելեց, որ այս 10 օրվա ընթացքում ինչքան ճշգրիտ պահենք սահմանափակումների ռեժիմը, այնքան ավելի շուտ կվերադառնանք բնականոն կյանքի:
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Մահացել է ՀՀ վաստակավոր արտիստ Արտաշես Ալեքսանյանը
«Ուժեղ Հայաստան»-ը կվերցնի մանդատները և կգնա Ազգային ժողով
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...
Ռուսաստանում կոնյակի արտադրությունը հունիսին էական նվազել է