Իսկ ո՞վ է ստուգելու, թե ովքեր են 20 միավոր ստացող երջանիկները

«Հայոց լեզու եւ հայ գրականություն» առարկայի միասնական եւ ավարտական քննությունների արդյունքներն արդեն հայտնի են: ԳԹԿ-ից տեղեկացնում են, որ
քննությանը մասնակցած 5011 դիմորդից առավելագույն 20 միավոր է ստացել միայն 52 դիմորդ, իսկ անբավարար՝ դիմորդների 9 տոկոսը:

Նրանք, ովքեր ծանոթ են այն տեստերին, որոնք տրվել են դիմորդներին, նրանք, ովքեր լուրջ մասնագետներ են եւ իրենց գործի մասնագետները, եւ անգամ կրկնուսույցները միաբերան պնդում էին, որ անհնար է, որ որեւէ մեկը, այդ թվում իրենք տեստերից քսան միավոր ստանան:

Հիմա պարզվում է 52 հոգի քսան է ստացել: Եթե իրոք իշխանությունները մտադիր են լուրջ պայքար ծավալել կոռուպցիայի դեմ, եթե իրոք մտածում են մեր երկրի առաջընթացի մասին, ապա պետք է արագ պարզեն, թե ովքեր եւ ինչպես են հաջողացրել 20 միավոր վաստակել:

Հակառակ դեպքում հետո շատ ավելի վատ է լինելու: Շատ ավելի վատ, քան անցնում է ձեր մտքով: 

Top-News.am