Պաշտոն ստանալուց հետո Գեղամ Գևորգյանի եկամուտներն աճել են

ArmDaily.am -ը «Հայտարարագիր»շարքում այս անգամ կներկայացնի Տնտեսական մրցակցության պաշտպանության պետական հանձնաժողովի նախագահ Գեղամ Գևորգյանի ունեցվածքը:

Ով է Գեղամ Գևորգյանը
Գևորգյանը ծնվել է 1987 թվականի հունիսի 29-ին, Երևանում:
2004 – 2008թթ. սովորել է Երևանի պետական համալսարան, Իրավագիտության ֆակուլտետ, բակալավրի աստիճան

2010-2013 թթ. սովորել է ՀՀ պետական կառավարման ակադեմիայի
Ասպիրանտուրայում, Իրավագիտության ֆակուլտետ, իրավագիտության թեկնածու,
2018 թվականի հոկտեմբերի 15-ից մինչև 2019 թվականի հունվարի 22-ն աշխատել է որպես ՀՀ գյուղատնտեսության նախարար:2019 թվականին ընտրվել է ՏՄՊՊՀ նախագահ

Ամուսնացած է, ունի մեկ որդի:

Ունեցվածքը
2018 թվականին նախարարի պաշտոնը ստանձնելու օրվա դրությամբ Գևորգյանը հայտարարագրել է բնակարան, ավտոտնակ, MERCEDES-BENZ C250 CGI մակնիշի ավտոմեքենա:
Նրա դրամական միջոցները կազմել են 8.5մլն դրամ և 6500 դոլար:
Նրա եկամուտները կազմել են 12,917,219.00 դրամ:
2018 թվականի տարեկան հայտարարագրում նրա դրամական միրոցներն աճել են ` 10.5մլն դրամ և 6.5 հազար դոլար:
Նրա եկամուտները ևս աճել են` 15,827,689.00 դրամ:

Գևորգյանը 2019 թվականի հայտարարագիրը դեռ չի ներկայացրել:
Կնոջ` Հռիփսիմե Մուշեղյանի անունով հայտարարագրված է 17,085,978.00 եկամուտ և 5,750,000.00 դրամ դրամական միջոց: