Մամուլը չպետք է տարածի խուճապ, բայց պետք է ունենա շնչելու, մեկնաբանելու ու տեղեկացնելու ազատություն. Աբրահամ Գասպարյան (տեսանյութ)
ՀՀ-ում մարտի 16-ից ապրիլի 14-ը արտակարգ դրությամբ պայմանավորված՝ մի շարք սահմանափոկումներ են դրվել նաև ԶԼՄ-ների աշխատանքի վրա: Այդ սահմանափակումներին «Արմնյուզ» ՀԸ «Երեկոյան լուրեր Աբրահամ Գասպարյանի հետ» թողարկման ընթացքում անդրադարձել է «Արմնյուզ» ՀԸ լրատվական դեպարտամենտի տնօրեն Աբրահամ Գասպարյանը՝ նշելով, որ արտակարգ դրություն հայտարարելուց հետո ամենաշատը մտահոգվել է մամուլը:
«Սովորաբար, նման իրավիճակում է հայտնվում մամուլն ամբողջ աշխարհում: Չորրորդ իշխանության գործառույթն առկա խնդրիների մասին բարձրաձայնելն է, իշխանությանն այլընտրանքային ճանապարհ հուշելը, այլընտրանքային կարծիք ունեցողին և քննադատողին՝ առաջնային պլան բերելը և այլն: Հասկանալի է, որ ճգնաժամային իրավիճակներում «տերն ու տիրակալը» պետությունն է, և ցանկացած չվերահսկվող ինֆորմացիա, մեղմ ասած, անվտանգության պատասխանատուների սրտով չէ»,- ասել է նա՝ ընդգծելով, որ մամուլը նման պայմաններում պետք է ավելի ուշադիր և զգույշ լինի՝ չխափանի պետական ապարատի աշխատանքը, գործունեությունը, չտարածի խուճապ, փակի սահմանադրական կարգը տապալելուն միտված ցանկացած գործոնի կամ գործիքի ճանապարհը, բայց միաժամանակ, պետք է ունենա շնչելու, ստեղծագործելու, տեղեկացնելու և մեկնաբանելու որոշակի ազատություն:
«Մամուլը սիրում է խոսել, գրել, կարդալ՝ պարզ ու մատչելի, այսինքն՝ հստակ եզրաբանությամբ: Արտակարգ դրության հայտարարությունում կա մի առանցքային եզրույթ, որն այդպես էլ չհստակեցվեց մասնագետների համար՝ «խուճապ». տարողունակ հասկացություն է, որի ոչ ճշգրիտ սահմանումը տարբեր մեկնաբանությունների տեղիք է տալիս, տալու է, և ամեն լրատվամիջոց սկսելու է յուրովի մեկնաբանել այն: Էլ չեմ խոսում, որ լրատվամիջոց հասկացությունը չի կոնկրետացվում»,-ասել է Գասպարյանը՝ նշելով, որ տեղական լրատվամիջոցների ղեկավարները դիմում են հասցեագրել ՀՀ պարետին՝ պահանջելով պարզաբանել մի քանի հարց.
«Դիցուք՝ ինչպես վարվել ու ինչ ինֆորմացիա փոխանցել երկրում և արտերկրում կորոնավիրուսով վարակման առկա և նոր դեպքերի, մարդկանց առողջական վիճակի, վարակի աղբյուրների, հնարավոր վարակվածների հետ շփված այլ անձանց շրջանակի, մեկուսացվածների, խուճապային հրապարակումների, հարցազրույցների, հաղորդումների հրապարակային տարածման մասին: Արտակարգ դրության հայտարարությամբ, հիշեցնեմ, ասվում է, որ այդ ամբողջ ինֆորմացիան պետք է հրապարակվի՝ բացառապես հղում կատարելով պարետատան պաշտոնական տեղեկատվությանը»:
Մահացել է ՀՀ վաստակավոր արտիստ Արտաշես Ալեքսանյանը
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
«Ուժեղ Հայաստան»-ը կվերցնի մանդատները և կգնա Ազգային ժողով
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Շատ եմ ցանկանում, որ չեմպիոն դառնա ֆուտբոլ խաղացող հավաքականը