Արմեն Թավադյանին անազատության մեջ էին պահում «5-րդ ալիքին» վնասելու համար, այստեղ երկու կարծիք չկա. Հարություն Հարությունյան
Ապացուցվեցին բոլոր մեր այն կասկածները, որ մեր հեռուստաընկերության սեփականատիրոջը անազատության մեջ էին պահում հատուկ՝ «5-րդ ալիքին» վնասելու, մեր աշխատանքներին խոչընդոտելու, մեր լրագրողների աշխատանքը բարդացնելու համար, երկու կարծիք այստեղ չկա: Այս մասին հրավիրված մամուլի ասուլիսին հայտարարեց «5-րդ ալիքի» գործադիր տնօրեն Հարություն Հարությունյանը:
«Անցած 79 օրերին, երբ «5-րդ ալիք»-ի սեփականատերը գտնվում էր կալանքի տակ, մեր ՀԸ-ն շատ ծանր օրեր ապրեց, մեր լրագրողները շատ տհաճ իրավիճակների հանդիպեցին, և ծանր օրեր ապրեցինք ոչ միայն բարոյական, այլ մնացած հարցերով ևս: Մենք պատրասվում էինք դրամահավաքի մարաթոն կազմակերպել, որ կարողանայինք մեր գոյությունը, մեր աշխատանքները շարունակենք, փառք աստծո, որ գործը դրան չհասավ: Բազմաթիվ առիթներով ես այս հարցը բարձրաձայնել եմ: Հիմա գոհ ու հպարտ եմ, որ ամենասկզբից վստահ եմ եղել, որ քրեական գործը շինծու է, քննիչի, ՀՔԾ-ի կողմից կարվել է, որ դժվարացնեն մեր հեռուստատեսության աշխատանքները»,- ասաց նա:
Հարությունյանը նշեց, որ բոլորն են տեսել, թե ինչիպիսի վերաբերմունքի են արժանացել իրենք տարբեր իրավական ու լրատվական կազմակերպությունների կողմից, նրանց որոշ ղեկավարերի կողմից, ինչպիսի արտահայտություններ են հնչել և ինչպես են արձագանքել այդ ամենին լրագրողական համայնները, միությունները․ «Բայց քանի որ մենք հայտնվել ենք մի իրավիճակում, որ նմանատիպ կազմակերպություններն այլևս իրենց գործառույթները չեն իրականցնում, որովհետև նրանք տեղափոխվել են այլ դաշտ, բայց շարունակելով իրենց առաքելությոնը այս անգամ իրենք փորձում էին աջակցել, նեցուկ կանգնել քննչական ծառայությանը, մնացածի աշխատանքներին ու, ինչպես արդեն կա, բաժանվել էին սևերի և սպիտակների: Այս ամբողջ ընթացքում պահել ենք մեր դիրքորոշումը, մենք վստահ ենք, որ ճիշտ ենք եղել»,- հայտարարեց նա:
Բանախոսը նաև շնորհակալություն հայտնեց լրագրողական այն համայնքներին, ժուռնալիստների միությանը, որ նեցուկ են կանգնել իրենց: «Հանդիպել եմ տարբեր միջազգային կառույցների հետ և այս հարցը բարձրացրել եմ նաև նրանց մոտ: Գոնե այս հարցում մենք լավ վիճակում հայտնվեցինք, շաբաթն ուրբաթից շուտ եկավ»,- եզրափակեց նա:
Մահացել է ՀՀ վաստակավոր արտիստ Արտաշես Ալեքսանյանը
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
«Ուժեղ Հայաստան»-ը կվերցնի մանդատները և կգնա Ազգային ժողով
Ուկրաինան հարվածել է Ռուսաստանի վերջին խոշոր նավթավերամշակման գործարանին
Կասեցվել է Վանաձորի գազալցակայաններից մեկի հեղուկ գազի վաճառքը
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Շատ եմ ցանկանում, որ չեմպիոն դառնա ֆուտբոլ խաղացող հավաքականը