Էջմիածնեցի աշակերտներին մեկուսացրել են ԵՊՀ հանգստյան տանը

Էջմիածնի 4-րդ դպրոցի աշակերտներին ու ծնողներին այսօր՝ մարտի 15-ին մեկուսացրել են Ծաղկաձորում գտնվող՝ Երեւանի պետական համալսարանի հանգստյան տուն: Այս մասին NEWS.am-ին հայտնեցին դպրոցից:

Ծաղկաձորցիներից մեկը NEWS.am-ի հետ զրույցում ասաց, որ ավտոբուսներն արդեն ժամանել են Ծաղկաձոր, այս պահին մեկուսացման գործընթացը դեռ ընթացքի մեջ է:

Նշենք, որ մինչ այս պահը Հայստանում հաստատվել է կորոնավիրուսով վարակվածության 23 դեպք, մեծամասնությունը կապված է էջմիածնի նշանդրեքի հայտնի դեպքի հետ: