Ինչո՞ւ աշխատավարձ չեն ստացել պետական որոշ կառույցներում
«Փաստ» թերթը գրում է. «Փաստ» օրաթերթը մի շարք պետական կառույցներից, հատկապես ԿԳՄՍ նախարարության ենթակայության տակ գտնվող հիմնարկներից ահազանգեր էր ստացել, որ աշխատակիցները դեռ չեն ստացել հունվար ամսվա աշխատավարձը։
Նշենք, որ նմանատիպ խնդիր եղել է նաեւ 2019 թվականի տարեսկզբին։ Պարզաբանումներ ստանալու նպատակով նախ դիմեցինք ֆինանսների նախարարություն։ Նախարարի մամուլի քարտուղար Աննա Վարդանյանը նշեց.
«Երբ ֆինանսների նախարարությունը ստանում է ֆինանսավորման հայտ, ավտոմատ կերպով գանձապետարանից կատարում է փոխանցումը։
Չի կարող ֆինանսների նախարարությունը հայտ ստանալ, եւ այն ուղղակի մնա, քանի որ դա ավտոմատ համակարգ է»,-ասաց Վարդանյանը։
«Փաստը» դիմեց ԿԳՄՍ նախարարության մամուլի խոսնակ Անժելա Կժդրյանին՝ ճշտելու, թե ինչու հայտերը չեն ներկայացվել եւ ինչու մարդիկ աշխատավարձ չեն ստանում: Կժդրյանը մեզ հետ զրույցում նշեց՝ աշխատավարձերի ուշացումը համատարած բնույթ չի կրում։
«Բացի դա, նրանք օրենքով կարող են մինչեւ փետրվարի 15-ն աշխատավարձ ստանալ»,-ասաց ԿԳՄՍ նախարարության մամուլի խոսնակը՝ միեւնույն ժամանակ հավելելով, որ եթե նման խնդիր կա, կարող են զանգահարել նախարարության թեժ գծին եւ ասել, որ, օրինակ՝ այսինչ դպրոցում կամ այլ կազմակերպությունում աշխատավարձ չեն ստացել, ըստ այդմ էլ կփորձեն հասկանալ, թե որն է խնդիրը»:
Մանրամասները՝ թերթի այսօրվա համարում
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Գազայում ավելի քան 1500 հիվանդ է մահացել՝ բուժման հասանելիության սահմանափակումների պատճառով
Հուսով ենք՝ Հայաստանը կունենա իր նավթազտարանը, որտեղ Իրանի հում նավթից կստանան անհրաժեշտ նավթամթերք
Ջերմաստիճանը կբարձրանա
Գյումրիում Արթուր Ալեքսանյանի անվան մարզահամալիրի շինարարական աշխատանքը մտել է ակտիվ փուլ․ կնքվել է ...
Մատենադարանում հուլիսի 22-24-ը կանցկացվի 3-րդ Հայագիտական միջազգային կոնգրեսը
Խախտումներ՝ 102 մանկապարտեզից 82-ում․ նոր՝ խստացված սննդակարգի պահպանումը խոշորացույցի տակ է
Վարշավան գաղտնազերծել է 2022 թվականից Ուկրաինա ուղարկված սպառազինության ծավալները
Թրամփը կրկին հայտարարել է, որ ԱՄՆ-ն պետք է իր վերահսկողության տակ վերցնի Գրենլանդիան
Օպերատիվ իրավիճակը հանրապետությունում հուլիսի 7-ից-8-ը