Նախարար. Օրերս հրազենային վիրավորում ստացած զինծառայողի առողջական վիճակը ծանր կայուն է
Հունվարի 24-ին Պաշտպանության բանակի հյուսիային ուղղությամբ տեղակայված զորամասերից մեկում միջադեպի հետևանքով հրազենային վիրավորում ստացած զինծառայող Հենրի-Հայկ Սիմոնի Զաքարեանը վիրահատությունից հետո գտնվում է վերահսկողության տակ: Այս մասին լրագրողներին հայտնեց պաշտպանության նախարար Դավիթ Տոնոյանը:
Նա նշեց, որ 19-ամյա զինծառայողի առողջական վիճակը գնահատվում է ծանր կայուն:
Նշենք, որ միջադեպի հետևանքով հրազենային վիրավորում էր ստացել նաև ՊԲ այլ զինծառայող, 20-ամյա Արմեն Ջոնիկի Մեսրոպյանը:
Հարցին, թե վերջին միջադեպերով ծառայողական քննություններն ավարտվե՞լ են, պաշտպանության նախարարը պատասխանեց. - «Ծառայողական քննություններն անմիջապես սկսվում են Զինված ուժերում, բայց դա նաև զուգորդվում է նախաքննության գործընթացով: Ծառայողական քննությունը դա մեր ներքին քննություններն են, իսկ քանի որ նախաքննությունը ծանր դեպքերով իրականացվում է Քննչական կոմիտեի կողմից դատախազության վերահսկողության ներքո, զուգահեռ այդ գործընթացներն ընթանում են, և ավել բան չեմ կարող ասել»:
Դավիթ Տոնոյանը հավելեց՝ հրամանատարական կազմին պաշտպանության նախարարը, ԶՈւ գլխավոր շտաբի պետը կարգապահական տույժի են ենթարկում, և նախաքննության արդյունքում է պարզվում, թե կոնկրետ դեպքում նրանց մեղավորությունը կա, թե ոչ:
Միջադեպի առթիվ քրեական գործ է հարուցվել:


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Արարատ Միրզոյանն աշխատանքային այցով կգտնվի Էստոնիայի Հանրապետությունում
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
Ստեփանծմինդա-Լարս ավտոճանապարհը փակ է բեռնատարների համար
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին