Պատգամավորը կոպտորեն խախտել է էթիկայի կանոնները
Ազգային ժողովի «Իմ քայլը» խմբակցության պատգամավոր Ռուստամ Բաքոյանը քաղաքացիների հետ հանդիպմանը բացահայտ անհարգալից է վերաբերվել քաղաքացիական հասարակության ներկայացուցչին և զրկել նրան ազատ խոսքի իրավունքից:
«Հանրային վերահսկողության կենտրոն» հասարակական կազմակերպության նախագահ Բաբկեն Հարությունյանի ֆեյսբուքյան գրառումից տեղեկանում ենք, որ հունվարի 21-ի երեկոյան պատգամավոր Ռուստամ Բաքոյանը այցելել է Արտաշատ քաղաք` պարտադիր սպանդանոցային մորթի մասին օրենսդրական պահանջի դեմ բողոքող ֆերմերների հետ հանդիպման: Հարությունյանի կողմից պատգամավորին ճշտող հարց ուղղելու փորձը անմիջապես կանխվել է. Ռուստամ Բաքոյանը Բաբկեն Հարությունյանին անվանել է «պրովոկատոր» և կոչ է արել հեռացնել նրան դահլիճից` քննարկումը շարունակելու համար: Քաղաքացին, այսպիսով, զրկվել է խնդրին առնչվող իր հարցն ուղղելու սահմանադրական իրավունքից:
Ազգային հակակոռուպցիոն խորհուրդն ուսումնասիրել է դեպքը և փաստել, որ իշխանական պատգամավորը, ով տվյալ պահին իրականացրել է իր լիազորություննեորը, ոչ միայն չի փորձել ցուցաբերել զսպվածություն և հանդուրժողականություն, ինչը պարտավոր էր անել օրենքի պահանջով, այլև ինքն է նախաձեռնել սադրիչ գործողություններ:
Քաղաքացիական հասարակության ներկայացուցչի նկատմամբ հրահրելով չարդարացված դժգոհություններ և հասնելով դահլիճից անցանկալի անձի հեռացմանը` պատգամավորն իր համար ստեղծել է քաղաքացիական հասարակության հսկողությունից դուրս գործելու պայմաններ: Ավելին` հանդիպման տեսաձայնագրությունների միջոցով հետևելով Ռ.Բաքոյանի խոսքին, պարզ է դառանում, որ պատգամավորը նախապես է փորձել քայլեր ձեռնարկել Բաբկեն Հարությունյանի մասնակցությունը քննարկմանը խոչընդոտելու ուղղությամբ` նախքան ակցիայի վայր հասնելը:
Ազգային հակակոռուպցիոն խորհուրդն արձանագրում է, որ պատգամավոր Ռ.Բաքոյանը, օգտագործելով իր դիրքը, իր կուսակից ընկերների միջոցով թույլ է տվել խոսքի ազատությունը խոչընդոտող գործողություններ: Խորհուրդը նաև գտնում է, որ «պրովոկատոր», «պրովոկացիա է անում», «իր պրովոկացիաների միջոցով խանգարում է» արտահայտություններով պատգամավորը իրեն թույլ է տվել այլոց անձը և արժանապատվությունը նսեմացնող արտահայտություններ:
Խորհուրդը համապատասխան եզրակացությամբ դիմել է ՀՀ Ազգային ժողովի բոլոր խմբակցություններին` «ՀՀ Ազգային ժողովի կանոնակարգ» սահմանադրական օրենքով նախատեսված էթիկայի ժամանակավոր հանձնաժողով ստեղծելու միջնորդությամբ։
Ազգային հակակոռուպցիոն խորհուրդ
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ես ուրախ եմ տեսնել հայ գերիների ազատ արձակումը
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»