«Մեդիա պաշտպանը» կոչ է անում զերծ մնալ լրատվական դաշտում երկակի ստանդարտներից և առավելություններ չտալ որևէ լրատվականի
«Մեդիա պաշտպան» նախաձեռնությունը տեղեկացավ, որ փոխվարչապետ Տիգրան Ավինյանի՝ 2019 թվականի մարտի 1 -ի N 86-Ա որոշմամբ, մի շարք լրատվականներ և մամուլի ակումբներ համարվել են բարեգործական կազմակերպություններ և ազատվել են հարկերից։
Ըստ այդ որոշման՝ բարեգործական կազմակերպություններ են համարվել՝
-«Ժուռնալիստների «Ասպարեզ» ակումբ» հասարակական կազմակերպությունը (Journalists' Club "Asparez")
-«Հանրային լրագրության ակումբ» հասարակական կազմակերպությունը (Public Journalism Club (PJC) Հանրային լրագրության ակումբ (ՀԼԱ))
-«Ֆակտոր տեղեկատվական կենտրոն» հասարակական կազմակերպությունը (Factor TV)
-«Իրազեկ քաղաքացիների միավորում» (Իրազեկ քաղաքացիների միավորում - Union of Informed Citizens) խորհրդատվական հասարակական կազմակերպությունը, որի ծրագրերից մեկն է FIP.am Փաստերի ստուգման հարթակը (FIP - Փաստերի ստուգման հարթակ)։
«Մեդիա պաշտպան» նախաձեռնությունն անընդունելի է համարում նման որոշումն ու դրսևորումը։ Փաստացի, որոշ զանգվածային լրատվության միջոցների առավելություն է տրվել, և վերջիններս ազատվել են հարկերից։ Դա նշանակում է, որ լրատվականների համար ստեղծվել են անհավասար պայմաններ։
«Մեդիա պաշտպան» նախաձեռնությունը հայտարարում է, որ N 86-Ա որոշումն իր մեջ կոռուպցիոն ռիսկեր է պարունակում և իրենից ներկայացնում է այս կամ այն լրատվամիջոցը կառավարելու փորձ։ Կոչ ենք անում զերծ մնալ լրատվական դաշտում երկակի ստանդարտների կիրառումից և առավելություններ չտալ որևէ լրատվականի։
Հիշեցնում ենք, որ Կառավարության պարտավորությունն է ստեղծել հավասար պայմաններ բոլոր լրատվամիջոցների համար, այլ ոչ թե ոչ մրցակցային ու ոչ օրինական պայմանների միջոցով ստեղծել առավել բարենպաստ պայմաններ այս կամ այն լրատվականի համար, քանի որ խոսքի ազատության ապահովումը կառավարության սահմանադրական պարտավորությունն է:



















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Արարատ Միրզոյանն աշխատանքային այցով կգտնվի Էստոնիայի Հանրապետությունում
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
Ստեփանծմինդա-Լարս ավտոճանապարհը փակ է բեռնատարների համար
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին