Նորայր Փանոսյանին կրկին կալանավորելը ՍԴ նախագահ Հրայր Թովմասյանի նկատմամբ ճնշումների համատեքստում է. Ռ. Մելիքյան
Սահմանադրական դատարանի նախագահ Հրայր Թովմասյանի սանիկ, ՀՀ արդարադատության նախարարության օրինականության վերահսկողության տեսչության նախկին պետ Նորայր Փանոսյանին կրկին կալանավորելու որոշումը ՍԴ նախագահ Հրայր Թովմասյանի նկատմամբ ճնշումների համատեքստում է: Այս մասին Tert.am-ի հետ զրույցում ասաց «Իրավական ուղի» ՀԿ համահիմնադիր Ռուբեն Մելիքյանը:
«Կարծում եմ՝ դժվար է այս գործի իրավական կողմի մասին խոսել՝ հաշվի չառնելով դրա բուն համատեքստը, որը քաղաքական է: Նորայր Փանոսյանի գործի մասին արդեն վաղուց հնարավոր չէ խոսել բացառապես իրավական հարթության մեջ: Իշխանությունները ցույց են տալիս այն հետևանքը, որն առաջանում է իր կամքին չենթարկվող պաշտոնատար անձանց դեպքում»,- նշեց իրավապաշտպանը:
Ռուբեն Մելիքյանը պատահական չի համարում նաև այն հանգամանքը, որ Նորայր Փանոսյանի գործը և ՍԴ նախագահի դեմ ուղղված գործընթացն սկսվեց անմիջապես ՀՀ նախագահի կողմից «դատավորներին ոչ պատշաճ առաջարկ պարունակող տխրահռչակ օրենքի» ստորագրումից հետո: Խոսքը Սահմանադրական դատարանի մասին օրենքում փոփոխությունների մասին է, որով առաջարկվում է 2018-ի ապրիլի 9-ից առաջ նշանակված ՍԴ յոթ դատավորներին ժամկետից շուտ ուղարկել թոշակի և մինչև դատավորների պաշտոնավարման տարիքը լրանալը պետությունը պարտավորված կլինի նրանց կենսաթոշակ վճարել:
Հիշեցնենք, որ դեկտեմբերի 9-ին դատարանը բավարարել էր Նորայր Փանոսյանին կրկին կալանավորելու մասին Հատուկ քննչական ծառայության ներկայացրած միջնորդությունը:
Ռուբեն Մելիքյանի խոսքով՝ պրակտիկայում քիչ է պատահում, երբ դատարանի կողմից որոշում կայացնելուց հետո պետությունը նորից կալանքի հարց է բարձրացնում:
«Սա հնարավոր է միայն մեղադրանքը փոխելու պարագայում: Կարծում եմ՝ լրացուցիչ քննարկման առարկա պետք է դարձնել այն հանգամանքը, թե արդյոք մեղադրանքն իսկապես փոխված է՝ բովանդակային առումով, թե ֆորմալ է այս փոփոխությունը զուտ տեխնիկական հնարավորություն տալու համար վարույթ իրականացնող մարմիններին կրկին առաջին ատյանի դատարանի առջև բարձրացնելու կալանավորման հարցը, այն բանից հետո, երբ Վերաքննիչ դատարանը ոչ թե պարզապես ազատ արձակեց Նորայր Փանոսյանին, այլ գտավ, որ առկա չէ հիմնավոր կասկած նրան առաջադրված մեղադրանքում»,- ասաց նա:
Հիշեցնենք, որ ՀՀ վերաքննիչ քրեական դատարանը՝ դատավոր Սերգեյ Մարաբյանի նախագահությամբ, նոյեմբերի 6-ին որոշել էր կալանքից ազատել Նորայր Փանոսյանին, որը սեպտեմբերի 28-ից գտնվում էր կալանքի տակ:
Ըստ Քննչական կոմիտեի տարածած հաղորդագրության՝ տվյալներ են ձեռք բերվել Հրայր Թովմասյանի՝ ՀՀ արդարադատության նախարար եղած ժամանակահատվածում, Նորայր Փանոսյանի՝ ՀՀ արդարադատության նախարարության օրինականության վերահսկողության տեսչության պետ եղած ժամանակահատվածում և Երևանի քաղաքապետարանի այլ պաշտոնատար անձանց կողմից իրենց պաշտոնեական լիազորությունները չարաշահելու դեպքերի վերաբերյալ:


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Արարատ Միրզոյանն աշխատանքային այցով կգտնվի Էստոնիայի Հանրապետությունում
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
Ստեփանծմինդա-Լարս ավտոճանապարհը փակ է բեռնատարների համար
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին