Ակնհայտ հրահանգավորված գործողություններ են, ճնշման գործիք ՍԴ նախագահի դեմ. սահմանադրագետը՝ Հրայր Թովմասյանի սանիկի կալանավորման մասին
«Ակնհայտ հրահանգավորված գործողություններ են, իշխանությունները նույնիսկ Վենետիկի հանձնաժողովի կոչերը հաշվի չառան, որը նշել էր, որ պետք է բացառել ՍԴ դատավորներին վաղ կենսաթոշակի անցնելու օրենքից ստիպողաբար օգտվելու հանգամանքը»,- այս մասին Tert.am-ին ասաց սահմանադրագետ Գոհար Մելոյանը՝ անդրադառնալով ՍԴ նախագահ Հրայր Թովմասյանի սանիկի կալանավորմանը:
«Հանրապետության նախագահի կողմից այդ օրենքը ստորագրելուց անմիջապես հետո վերաբացվեց ՍԴ նախագահի սանիկի խափանման միջոցի հարցը, որն ակնհայտ ուղղված է Հրայր Թովմասյանի դեմ: ՍԴ նախագահին էլ մեղադրանք առաջադրվեց, նրան տրվեց մեղադրյալի կարգավիճակ: Իշխանությունն ուղղակիորեն հասկացնում է Թովամսյանին, որ նա անմիջապես օգտվի օրենքի ընձեռած հնարավորությունից: Խափանման միջոցի փոփոխությունը ճնշման գործիք է ՍԴ նախագահի դեմ»,- ասաց նա:
Ըստ Մելոյանի՝ մինչև այդ օրենքի ուժի մեջ մտնելը, տեղի են ունենալու ակնհայտ ճնշումներ. «Իշխանությունների նպատակն է, ստիպել ՍԴ դատավորներին՝ օգտվել վաղ կենսաթոշակի գնալու համակարգից: Ակնհայտ է՝ թիրախում հենց Հրայր Թովամսյանն է, իշխանությունն արդեն առանց թաքցնելու է դիմում ճնշումների: Նրանց անհրաժեշտ է օր առաջ ձերբազատվել ՍԴ ոչ կառավարելի դատավորներից: Անգամ չսպասեցին տեսնել, թե դատավորներն ինչպիսի կամարտահայտություն են դրսևորելու, անմիջապես՝ նախագահի կողմից օրենքը ստորագրելուց հետո, սկսեցին ապօրինի ճնշելու գործիքակազմ կիրառել»,- ընդգծեց սահմանադրագետը:
Նրա խոսքով՝ ՍԴ դատավորները հայտնվել են բարոյահոգեբանական բարդ իրավիճակում. «Բարեբախտաբար, ինչպես տեսնում ենք, մինչ օրս ՍԴ դատավորները ցուցաբերում են օրինակելի տոկունություն և կարողանում են արժանապատիվ կատարել իրենց մասնագիտական պարտականությունները՝ օրինակ ծառայելով մեր երկրի բազմաթիվ այլ գործիչների»:
Հիշեցնենք, որ այսօր ՍԴ նախագահ Հրայր Թովմասյանի սանիկ, ՀՀ արդարադատության նախարարության օրինականության վերահսկողության տեսչության նախկին պետ Նորայր Փանոսյանի խափանման միջոցը փոխարինվել է կալանքով:
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Ջերմաստիճանը կբարձրանա
Գազայում ավելի քան 1500 հիվանդ է մահացել՝ բուժման հասանելիության սահմանափակումների պատճառով
Խախտումներ՝ 102 մանկապարտեզից 82-ում․ նոր՝ խստացված սննդակարգի պահպանումը խոշորացույցի տակ է
Հուսով ենք՝ Հայաստանը կունենա իր նավթազտարանը, որտեղ Իրանի հում նավթից կստանան անհրաժեշտ նավթամթերք
Գյումրիում Արթուր Ալեքսանյանի անվան մարզահամալիրի շինարարական աշխատանքը մտել է ակտիվ փուլ․ կնքվել է ...
Մատենադարանում հուլիսի 22-24-ը կանցկացվի 3-րդ Հայագիտական միջազգային կոնգրեսը
ԱՄՆ-ի ռազմական կրթական ծրագիրը նոր հնարավորություններ է բացում հայ զինվորականների համար
Պահանջվում է անվավեր ճանաչել Մանվել Գրիգորյանի ընտանիքին պատկանող ընկերության գույքի աճուրդը
Մանկավարժական համալսարանի հոգաբարձուների խորհրդի նիստում քննարկվել է բուհի զարգացման ռազմավարական ծր...