Զոհրաբ Մնացականյանը ամփոփել է 2019 թվականը

2019 թվականին հայկական դիվանագիտությունը իր գործունեությամբ հաստատեց, որ ինքիշխանությունը Հայաստանի քաղաքականության կարոեւորագույն սկզբունքն է: Այս մասին ասել է ՀՀ արտաքին գործերի նախարար Զոհրաբ Մնացականյանը` ամփոփելով 2019 թվականը:

«2019 թվականը հայկական արտաքին քաղաքականության եւ դիվանագիտության համար եղել է Հայաստանի բարեփոխումների, եւ զարգացման օրակարգի խթանման, մոտեցումների եւ սկզբունքների հստակեցման, ավանդական դաշնակիցների եւ գործընկերների հետ համագործակցությանամրապնդման, համագործակցության նոր ձեւաչափերի եւ բովանդակության հաստատման տարի: 2019 թվականին հայկական դիվանագիտությունը իր գործունեությամբ հաստատեց, որ ինքիշխանությունը Հայաստանի քաղաքականության կարոեւորագույն սկզբունքն է եւ 2 մյուս սկզբունքների` համահայկականության եւ փոխգործակցության հետ մեկտեղ ապահովում է միջազգային ասպարեզում հայ ժողովրդի շահերի եւ արժեքների հետապնդումը»-ասել է նա:

Նախարարի խոսքով` տարիների աշխատանքի արդյունքում Հայաստանը դարձավ ՄԱԿ Մարդու իրավունքների խորհրդի անդամ:

«Սա ինչպես մեր երկրում տեղի ունեցած ժողովրդական վերափոխումների, այնպես էլ միջազգային ասպարեզում Մարդու իրավունքների պաշտպանության, այդ թվում ցեղասպանությունների կանարգելման գործում Հայաստանի ներդրման գնահատականն է: Լեռնային Ղարաբաղի խնդրի կարգավորումը շարունակեց մնալ ամենակարեւոր գերակայությունը: Համազգային այս խնդրի հետապնդման գործում սերտորեն համագործակցել ենք Արցախի մեր գործընկերների հետ: Ադյունքում մենք հստակ ներկայացրել ենք Լեռնային Ղարաբաղի խաղաղ կարգավորման գործընթացում մեր սկզբունքային դիրքորոշումը եւ մոտեցումները`մեկ անգամ եւս շեշտադրելով Արցախի ընտրված իշխանությունների կարեւոր դրակատարությունը առանց որեւէ սահմանափակման Արցախի ժողովրդի ինքնորոշման իրավունքի իրականացման գործում»,- նշել է նա: