Արմեն Սարգսյանը 2-րդ անգամ արեց մի գործողություն, որը բերեց ճգնաժամի շարունակմանը․Ավետիք Չալաբյան
Ես խիստ հիասթափված եմ՝ տեսնելով, որ նախագահ Արմեն Սարգսյանը ստորագրել է Սահմանադրական դատարանի դատավորների վաղ կենսաթոշակի մասին օրենքի նախագիծը։ Այս մասին NEWS.am-ի հետ զրույցում ասաց «Ազգային օրակարգ» կուսակցության համահիմնադիր Ավետիք Չալաբյանը։
«Մեր կուսակցության խորհուրդը եւս դիմել է ՀՀ նախագահին՝ կոչ անելով չստորագրել այս օրենքի նախագիծը, եւ այն ուղարկել ՍԴ՝ քննելու օրենքի սահմանադրականությունը, քանի որ մեր Սահմանադրության 213-րդ հոդվածը, որն որպես այդպիսին խնդրահարույց է, որովհետեւ մի քիչ ասիմետրիկ է նախկինում ընտրված դատավորների եւ Սահմանադրության նոր տարբերակի ընդունվելուց հետո ընտրված դատավորների միջեւ, քանի որ նախկինում ընտրվածները պետք է պաշտոնավարեին մինչեւ 65 տարեկանը, իսկ նոր ընտրվածները՝ 12 տարի։
Մեր կուսակցության դիրքորոշումն է, որ պետք է դա հավասարեցնել, պետք է տարբերություն չլինի, բայց դա Սահմանադրության փոփոխության խնդիր է։ Այն տարբերակը, որ ընդունեց Ազգային ժողովը իր դեկտեմբերի 12-ի օրենքով, կարծում եմ՝ խիստ խնդրահարույց է։ Դա պաշտոնական կաշառքի տարբերակ է, ոչ թե համակարգային լուծում է առաջարկում, այլ առաջարկում է անհատ դատավորներին գայթակղվել ֆինանսական խոստումով, հրաժարվել իրենց կարեւորագույն սահմանադրական եւ պետական պարտականությունն իրականացնելուց»,-նշեց նա։
Չալաբյանը հույս հայտնեց, որ ՍԴ դատավորներից ոչ ոք չի օգտվի դրանից․
«Ես շատ հուսով եմ, որ ՍԴ դատավորներից ոչ ոք չի օգտվի դրանից, որովհետեւ դա նրանց համար մասնագիտական եւ մարդկային հեղինակության ահավոր ռիսկեր է պարունակում։ Ցանկացած ՍԴ դատավոր, որ օգտվում է այդ կարգավորումից, խաչ է քաշում իր մասնագիտական հեղինակության վրա։ Նա ընդունում է, որ ես նախկինում մեղավոր եմ եղել, նախկինում եղել եմ կոռուպցիոներ, ու հիմա շարունակում եմ կոռուպցիոն գործարքի մեջ մտնել նոր իշխանության հետ»։
Նա շեշտում է՝ կցանկանար լսել նախագահի բացատրությունը, թե ինչու է ստորագրել վիճահարույց օրենքը․
«Անկեղծ ասած, ես խիստ հիասթափված եմ՝ տեսնելով, որ նախագահը ստորագրել է այդ վիճահարույց օրենքը։ Ես կուզեի լսել նախագահի բացատրությունը, թե ինչու հերթական անգամ զարկ տվեց սահմանադրական դատարանի շուրջ ճգնաժամի նոր պարույրի։ Նախագահը նաեւ առաջարկեց Վահե Գրիգորյանի թեկնածությունը ՍԴ դատավորի պաշտոնում։ Դրանով սկիզբ դրվեց ՍԴ-ի շուրջ ճգնաժամի։ Հիմա նա փաստորեն 2 անգամ անում է մի գործողություն, որը բերեց ճգնաժամի շարունակմանը»։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Արարատ Միրզոյանն աշխատանքային այցով կգտնվի Էստոնիայի Հանրապետությունում
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
Ստեփանծմինդա-Լարս ավտոճանապարհը փակ է բեռնատարների համար
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին