15 միլիոն դրամ՝ Դատախազության համար նոր ավտոմեքենա գնելու համար
Կառավարության պահուստային ֆոնդից հերթական անգամ գումար է տրամադրվել, այս անգամ՝ ՀՀ Գլխավոր դատախազությանը։ Պարզվում է՝ Դատախազությունը նոր ավտոմեքենայի կարիք ունի, ուստի Կառավարության կողմից այդ նպատակի համար տրամադրվել է 14 միլիոն 900 հազար դրամ, գրում է 168.am-ը։
Նշենք, որ այս նոր ավտոմեքենան 2019 թվականի պետական բյուջով նախատեսված չի եղել, և հիմա գործադիրը ստիպված է հերթական անգամ փոփոխություն կատարել պետբյուջեում։
Նկատենք, որ ՀՀ ֆինանսների նախարարությունը Դատախազությանը 14.9 միլիոն դրամով նոր ավտոմեքենա գնելու նախագծի վերաբերյալ առարկություններ էր ներկայացրել։ Ըստ այդմ՝ քանի որ անվտանգության ապահովման ծառայությունների վարվող քաղաքականությունն ուղղված է նրան, որ անվտանգության ծառայություններին սպասարկող մեքենաների պահպանումը և շահագործումը վերապահվում է ԱԱԾ Պետական պահպանության ծառայությանը, առաջարկվում է մեքենան ձեռք բերելուց հետո այն ԱԱԾ ՊՊԾ-ին ամրացնել, իսկ գումարը հատկացնել ոչ թե Դատախազությանը, այլ ԱԱԾ ՊՊԾ-ին։ Չնայած դրան, սակայն, ի վերջո, գումարը հատկացվել է Դատախազությանը։
Նշենք, որ ավտոմեքենայի գնման գործընթացը նախատեսվում է իրականացնել այս տարվա դեկտեմբերին։
Ավտոմեքենայի գնման գործընթացն իրականացվելու է՝ ըստ ՀՀ կառավարության 24.07.08թ. 830-Ն որոշման չափորոշիչների, որոնց համաձայն՝ մեքենայի վազքը չի կարող գերազանցել 1000 կիլոմետրը, իսկ արտադրության տարեթիվը պետք է համընկնի ձեռքբերման տարեթվի հետ։
Ստացվում է, որ Գլխավոր դատախազության համար պետք է ձեռք բերվի 2019 թվականի արտադրության ավտոմեքենա։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Արարատ Միրզոյանն աշխատանքային այցով կգտնվի Էստոնիայի Հանրապետությունում
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
Ստեփանծմինդա-Լարս ավտոճանապարհը փակ է բեռնատարների համար
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին