Իմ Հերոս նախագիծ
Գլխավոր Թոփ լուրեր Լրահոս Վիդեո Թրենդ
ՀԷՑ-ում պատրաստվում են ձմռանը ԿԸՀ-ն դիմելու է վարչական դատարան Մաուրիսիո Պոչետինոն՝ Մանչեսթեր Յունայթեդի գլխավոր մարզիչ Աննա Վարդապետյանը մասնակցելու է Դատախազների միջազգային ասոցիացիայի գործադիր կոմիտեի նիստին Շաքիում հայտնված ադրբեջանցի զինծառայողի գործով նախաքննությունն ավարտվել է Պերեսը նախատեսում է վաճառել Ռեալի բաժնետոմսերի մի մասը Արտակարգ դեպքի հետքերով ՊԵԿ-ը պարզաբանում է տարածել (տեսանյութ) Ալիևը հայտարարել է գազի մատակարարումները մեծացնելու ծրագրերի մասին Իրանը կարող է հրթիռներով հարձակվել 1500 կմ հեռավորության վրա գտնվող թիրախների վրա Պատմական դռներ հուշադրամների շարք. Սևանավանք ԱԷՄԳ մտահոգված է Սպահանի օբյեկտ մուտք գործելու հնարավորության բացակայությամ

ՀԷՑ-ում պատրաստվում են ձմռանըԿԸՀ-ն դիմելու է վարչական դատարանՄաուրիսիո Պոչետինոն՝ Մանչեսթեր Յունայթեդի գլխավոր մարզիչ Աննա Վարդապետյանը մասնակցելու է Դատախազների միջազգային ասոցիացիայի գործադիր կոմիտեի նիստինՇաքիում հայտնված ադրբեջանցի զինծառայողի գործով նախաքննությունն ավարտվել էՊերեսը նախատեսում է վաճառել Ռեալի բաժնետոմսերի մի մասըԱրտակարգ դեպքի հետքերովՊԵԿ-ը պարզաբանում է տարածել (տեսանյութ)Ալիևը հայտարարել է գազի մատակարարումները մեծացնելու ծրագրերի մասինԻրանը կարող է հրթիռներով հարձակվել 1500 կմ հեռավորության վրա գտնվող թիրախների վրաՊատմական դռներ հուշադրամների շարք. ՍևանավանքԱԷՄԳ մտահոգված է Սպահանի օբյեկտ մուտք գործելու հնարավորության բացակայությամԵրևանի քրեական ոստիկանները ձերբակալել են սպանության փորձի մեղադրանքով հետախուզվողի (տեսանյութ)Էմմանուել Մակրոնը հորդորել է Արսեն Վենգերին պայքարել ՖԻՖԱ-ի նախագահի պաշտոնի համարԱֆղանստանում կանանց արգելված է սովորել բժշկական ուսումնական հաստատություններումՄոսկվայում ավտոմեքենայի պայթյուն է տեղի ունեցելՊատրաստվածություն, պատասխանատվություն և թիմային աշխատանք (տեսանյութ)Իտալիայի, Լեհաստանի և Նիդերլանդների ոստիկանության կցորդների պատվիրակությունն այցելել է ՀՀ-ում ԵՄ առաքելությունԿատարվել է Վանաձոր-Ալավերդի-Բագրատաշեն ավտոճանապարհի միջին նորոգումLed Zeppelin ռոք խմբի վոկալիստ Ռոբերտ Փլանթը համերգով հանդես կգա ԵրևանումՀայկ Մարտիրոսյանն այսօր ուժերը կչափի Մագնուս Կառլսենի հետԱյս գիշեր Հաղթանակի կամրջով և Աբովյան փողոցի մի հատվածում երթեւեկությունը կդադարեցվիՕդի ջերմաստիճանը կբարձրանա. առանձին շրջաններում սպասվում են տեղումներՀայաստանը ներկայացրել է COP34-ը հյուրընկալելու իր թեկնածությունն ու պատրաստակամությունըԹուրքիայում Հայաստանի հետ սահմանին շարունակվում են երկաթուղու վերականգնման աշխատանքներըԿյանքից հեռացել է Հայաստանի Բարեկամություն պետական անսամբլի հիմնադիր Նորայր ՄեհրաբյանըՈւրբաթ 13․ ինչո՞ւ են մարդիկ վախենում այս ամսաթվիցՈրքա՞ն է տևում թոքաբորբի բուժումը Երևանում շարունակվում է ճանապարհների միջին նորոգումը (տեսանյութ)Չինաստանի ազգային օպերային թատրոնում ամփոփվեցին Խաչատրյանի անվան երիտասարդական միջազգային մրցույթի արդյունքներըԻտալիայի հավաքականը Միլանում 3–1 հաշվով հաղթել է ՖրանսիայինՀասցեների միասնական էլեկտրոնային բազա․ ի՞նչ կփոխվիԿիևը փորձում է պարզել տեղի ունեցածի բոլոր հանգամանքները ամերիկյան կողմի հետՄեկնարկել են ԼՂ-ից տեղահանվածների սոցաջակցության հոկտեմբերի վճարումներըՊայթյուն գազալցակայանում․ տուժածներ չկանԱնձի ֆունկցիոնալության գնահատում ստանալու անհրաժեշտ քայլերն ու գործընթացի մանրամասներըԿիպրոսի հավաքականն արդեն ապահովել է երկրորդ տեղըNvidia ընկերության տնօրենը հրաժարական է ներկայացրելՎաշինգտոնում՝ Սպիտակ տնից ոչ հեռու, անհայտ անձը կրակ է բացել մարդկանց վրաՍպիտակի ԲԿ-ն կհամալրվի ժամանակակից ակնաբուժական սարքավորումներովՀաղթենք դիաբետը միասինԽորհուրդ եմ տալիս` թող զբաղվի իր գործերով (տեսանյութ)Բավարիայից Հայաստան. կերտելով համայնքային էներգետիկայի ապագանԱրհեստական բանականության օրեր Հայաստանում Ռոնալդուն Մեթյու Վոնի հետ սկսում է Day 1s նկարահանումներըԻսլամական հեղափոխության պահապանների կորպուսը հարվածել է Բահրեյնում ամերիկյան ռադիոտեղորոշիչ կայանինMicrosoft-ի ծառայությունները միացման հետ կապված խնդիրներ ունենՀակակոռուպցիոն կոմիտեի նախագահն ընդունել է Իտալիայի դեսպանի գլխավորած պատվիրակությանըՈչ սթափ ղեկին մի նստի՛ր (տեսանյութ)Դեպի Սաուդյան Արաբիա չվերթերի կասեցումը երկարաձգվել է
Հայաստան

Քաղհասարակությունը պահանջում է դադարեցնել Դալմայի այգիներում ընթացող կառուցապատումը․ հայտարարություն

Քաղաքացիական հասարակության ներկայացուցիչները նամակով դիմել են ՀՀ վարչապետ Նիկոլ Փաշինյանին, ՀՀ գլխավոր դատախազ Արթուր Դավթյանին և Երևանի քաղաքապետ Հայկ Մարությանին՝ պահանջելով անհապաղ կասեցնել Դալմայի այգիներում «Պարկ Գրուպ» ՍՊԸ-ի կողմից իրականացվող կառուցապատումը:

Նամակի մեջ մասնավորապես նշված է.


«Ներկա պահին Երևանի Դալմայի այգիներում ընթանում է կառուցապատում, ՀՀ կառավարության 11.01.2018թ. թիվ 5-Ա որոշման հիման վրա:

Սույնով Ձեզ խնդրում ենք անհապաղ կասեցնել այդ շինարարության ընթացքն անորոշ ժամանակով, ներքոնշյալ պատճառներով:

Վերջին ժամանակներս, հանրությանը հայտնի դարձավ, որ տվյալ տարածքում առկա մի քանի պատմական հուշարձաններից մեկը, որոնք հանիրավի և դիտավորյալ ընդգրկված չեն եղել պատմամշակութային հուշարձանների ցանկում, շինարարների կողմից հողին է հավասարեցվել:

Այս մասին Հանրային խորհրդի բնապահպանական հանձնաժողովի անդամ, «Հանրային իրազեկման և մոնիտորինգի կենտրոն» ՀԿ-ի նախագահ Մարի Չաքրյանը, 02.12.2019թ. տեղեկություն ստանալու հարցմամբ արդեն իսկ իրազեկել է ՀՀ գլխավոր դատախազին, որ նոյեմբերի 16-ից սկսած ՀՀ գրեթե բոլոր լրատվամիջոցները հայտարարել են այն մասին, որ Դալմայի այգու տարածքում 16-17 դարերի գինու հնձան է քանդվել: Ըստ լրատվականների հաղորդման՝ «ՀՀ ԿԳՄՍ նախարարության «Պատմամշակութային ժառանգության գիտահետազոտական կենտրոն» ՊՈԱԿ-ին հանձնարարվել է հրատապ կարգով ստեղծել արշավախումբ՝ տեղում ուսումնասիրություններ կատարելու, պատմամշակութային արժեք ներկայացնող առկա շինություններն արձանագրելու և իր գործառույթների շրջանակում ՀՀ օրենսդրությամբ սահմանված այլ անհրաժեշտ գործողություններ իրականացնելու համար»: Այս ամենի արդյունքում ենթադրվում էր, որ, համաձայն ՀՀ քրեական դատավարության օրենսգրքի 175 և 176 հոդվածների, դատախազությունն ահնապաղ ձեռնամուխ պետք է լիներ քրեական գործեր հարուցելուն.

ա) պատմական հուշարձանի ոչնչացման,

բ) 1000-ամյակների պատմություն ունեցող լանդշաֆտի և պատմամշակութային հուշարձանի առկայության պայմաններում շինթույլտվություն տալու,

գ) «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի 7-րդ հոդվածի 1-ին կետի 8-րդ ենթակետի պահանջի խախտմամբ՝ ոչ ճշգրիտ և/կամ թերի շրջակա միջավայրի վրա ազդեցության փորձաքննություն անցկացնելու և դրական եզրակացություն տալու,

դ) ՀՀ ՇՄՆ «Շրջակա միջավայրի վրա ազդեցության փորձաքննական կենտրոն» ՊՈԱԿ-ի կողմից 2019 թվականի հունվարի 9-ին տրված Փորձաքննական եզրակացության մեջ ներառված՝ հուշարձան հայտաբերվելու դեպքում շինարարությունը կասեցնելու պայմանը խախտելու /թիվ ԲՓ01 01.09.2019/,

ե) հուշարձանի վայրում կառուցապատում թույլատրելու գործերով:

2. Կառավարության վերոնշյալ 11.01.2018թ. թիվ 5-Ա որոշման 8.2 կետով սահմանված էր, որ «Պարկ Գրուպ» ՍՊ ընկերության կողմից պետք է փոխհատուցվեին «սույն որոշման 3-րդ կետում նշված հողամասի նկատմամբ սահմանված կարգով օգտագործման իրավունք ունեցող անձինք, ինչպես նաև հողամասի փաստացի օգտագործողները:

Ներկա պահին այդ կետը լիարժեք չի իրականացվում: Իրենց հողատարածքներում հողօգտագործողների կողմից կառուցված շենք-շինություններն առանց տերերի գիտության և ներկայության քանդվում են (հիմնականում ոչ աշխատանքային օրերին և ժամերին), տնային իրերը դուրս են շպրտվում, չպահպանելով ոչ մի օրենք և կարգ: Իրենց հողատարածքները և տները կամավոր լքել չցանկացող հողօգտագործողներին ահաբեկում են, եղել է նաև մեքենայով հողօգտագործողի վրա քշելու փորձ, ինչի առիթով Մալաթիայի ոստիկանությունում գործ է հարուցված:

Կառավարության հենց նույն որոշումը կայացվել է ՀՀ օրենսդրության մի շարք դրույթների խախտմամբ, որոնցից նշում ենք առայժմ միայն երկուսը.

ա. Ըստ ՀՀ օրենսդրության /ՀՀ հողային և քաղաքացիական օրենսգրքեր/, ինչպես նաև միջազգային պարտավորությունների (Օրհուսի կոնվենցիայով ստանձնած, որին Հայաստանը միացել է դեռևս 2001 թվականից), հողօգտագործողներին փոխհատուցելու խնդիրը պետք է կարգավորված և ավարտված լիներ նախքան կառավարության կողմից որոշումը կայացնելը: Ընդ որում՝ փոխհատուցումը պետք է կատարվեր՝ ելնելով միասնական, բոլորի համար ընդունելի սակագնով /ոչ պակաս՝ քան կադաստրային արժեքը/, և ոչ թե՝ կամայական, ինչպես որ արվել է որոշ հողօգտագործողների դեպքում:

Ըստ ՀՀ օրենքների և ՀՀ միջազգային պարտավորությունների (Օրհուսի կոնվենցիա)՝ այդ որոշման ընդունմանը պետք է նախորդեր ոչ միայն հողօգտագործողների արդարացի, համարժեք և լիարժեք փոխհատուցումը, բնականաբար՝ նաև նրանց հասցվելիք վնասի նախնական հաշվարկը, նրանց ունեցած տարածքների վրա առկա ծառերի, բուսատեսակների, շենք-շինությունների գույքագրումը. գնահատումն ու հաշվառումը, որից ելնելով էլ պետք է հաշվարկվեր կառուցվելիք շինության, նախատեսվող գործունեության հեռանկարային տնտեսական օգուտի և վնասի փոխհաշվարկը, այլև շահագրգիռ հանրությունը պետք է որոշման ընդունման ամենավաղ փուլից ակտիվ և գործուն մասնակցություն ունենար այդ որոշման կայացմանը: Ինչն, ավաղ, չի արվել:

բ. Վերոնշյալ 11.01.2018թ. թիվ 5-Ա որոշում ընդունվել է ՀՀ օրենքների կոպիտ խախտումով, առանց նախնական ՇՄԱԳ և ՇՄԱՓ փաստաթղթերի, առանց տվյալ տարածքը որևէ նպատակով օգտագործելու համար հիմք հանդիսանալիք Պետական ՓՈՐՁԱՔՆՆԱԿԱՆ /դրական/ եզրակացության:

Այդ եզրակացությունը կազմվել է ՀՀ կառավարության որոշումից ուղիղ մեկ տարի անց՝ 09.01.2019թ., /այն էլ՝ թերի ու բազմաթիվ օրենքների խախտմամբ/:

1. ՀՀ Ազգային ժողովի 2004թ. մարտի 9-ի որոշմամբ, Հայաստանը վավերացրել է Լանդշաֆտի Եվրոպական Կոնվենցիան` սկիզբ դնելով Հայաստանում բնական և ձեռակերտ լանդշաֆտների պահպանության, կառավարման և պլանավորման գործընթացի իրականացմանը՝ և, ի թիվս Եվրոպայի Խորհրդի 37 անդամ երկրների, պարտավորվելով իրագործել Կոնվենցիայով սահմանված դրույթները: Հնագետների պնդմամբ Դալմայի այգիներում կա առնվազն 3000-ամյա խաղողի այգիների լանդշաֆտ, որը մասամբ արդեն ոչնչացվել է, մնացածն էլ ոչնչացման եզրին է: Հետևապես խախտվել են այս կոնվենցիայի դրույթները:

2. Համաձայն ՀՀ ԿԳՄՍ նախարարության 1.12.2019թ. թիվ 34/14-1/29043-19 գրության՝ ԿԳՄՍ Աշխատանքային խումբը վիճարկվող տարածքում իրականացրել է դաշտային աշխատանքներ և հետազոտություններ, ինչի արդյունքում փաստել են, որ նշված տարածքում առկա են պատմական, հնագիտական, ազգագրական և ճարտարապետական արժեք ունեցող օբյեկտներ, որոնց կապակցությամբ առաջարկ է ներկայացված՝ կազմել այդ շինությունների վկայագրերը դրանց պատմամշակութային հուշարձանի կարգավիճակ տալու նպատակով: Այնուհանդերձ, շինարարական աշխատանքները չեն դադարեցվել, և պատմական արժեքները շարունակում են ոչնչանալ:

3. Պետական փորձաքննական եզրակացության (թիվ ԲՓ01 01.09.2019) Փորձաքննական պահանջներ բաժնի 4-րդ պարբերության մեջ ամրագրված է, որ «Ծրագրի» շրջանակներում կատարվող շինարարական աշխատանքների ընթացքում պատմամշակութային և հնագիտական շերտերի ի հայտ գալու դեպքում՝ հետագա աշխատանքները պետք է իրականացվեն համապատասխան մասնագետի՝ հնագետի եզրակացությունն ստանալուց հետո: Ինչը նշանակում է, որ շինարարական աշխատանքները պետք է դադարեցվեին, մինչև հնագետի կողմից եզրակացություն ստանալը:

4. ՀՀ Հողային օրենսգրքի 23-րդ հոդվածի համաձայն՝ պատմական և մշակութային արժեքների ու պատմական միջավայրի պահպանության, հնագիտական ու ճարտարապետական հուշարձանների զբաղեցված հողամասերը համարվում են պատմական և մշակութային հողեր: Եվ այդպիսի հողամասերի վրա արգելվում է դրանց նպատակային ու գործառնական նշանակությանը հակասող ցանկացած գործունեություն:

Ելնելով վերոգրյալից՝

խնդրում ենք Ձեր անմիջական և արագ միջամտությունը նշված տարածքում շինարարությունն անհապաղ կասեցնելու համար, մինչև բարձրացված խնդիրների կարգավորումը, ՀՀ օրենսդրության պահանջներին համապատասխան՝ կառավարության նոր որոշման կայացումը և դատախազության կողմից քրեական գործի հարուցումը»:

Պետական կառույցների ղեկավարներին նամակ ուղարկելու որոշումը կայացվել է դեկտեմբերի 19-ին «ԷկոԼուրի» մամուլի ակումբում տեղի ունեցած «Հանրային դատավարությունը որպես սոցիալ-էկոլոգիական խնդիրների բարձրաձայնման և մեղավորներին պատասխանատվության կանչելու նոր մեխանիզմ» թեմայով քննարկման ժամանակ:

Նամակը ստորագրել են հետևյալ հասարակական կազմակերպությունները.

«ԷկոԼուր» տեղեկատվական ՀԿ

«Հանրային իրազեկման և մոնիտորինգի կենտրոն» ՀԿ

«Խազեր» էկոլոգոմշակութային ՀԿ

«Դալմա-Սոնա» հիմնադրամ

«Էկոլոգիական հասարակական միություն» ՀԿ

«Կանաչ Հայաստան» ՀԿ

«Հայաստանի անտառներ» ՀԿ

«Հայկական հասարակական տեխնոլոգիական ակադեմիա» ՀԿ