Ուկրաինայի քաղաքացիները 2020 թվականի մարտի 1-ից Ռուսաստանի տարածք կարող են մտնել միայն արտասահմանյան անձնագրերով
Ուկրաինայի քաղաքացիները 2020 թվականի մարտի 1-ից Ռուսաստանի տարածք կարող են մտնել միայն արտասահմանյան անձնագրերով: Այս մասին իր Telegram-ի ալիքում տեղեկացրել է Ուկրաինայի վարչապետ Ալեքսեյ Գոնչարուկը:
«Ուկրաինայի քաղաքացիների՝ Ռուսաստանից Ուկրաինա մուտք գործելու դեպքում Ուկրաինայի պետական սահմանապահ ծառայությունն անխափան մուտք կապահովի ներքին անձնագրերով և ծննդյան վկայականներով»,-հստակեցրել է Գոնչարուկը:
Այժմ արտասահմանյան անձնագրերից ստացվող տեղեկատվությունը կարդացվելու է հատուկ սարքերի միջոցով, ինչը կկրճատի անձնագրային ստուգման տևողությունը:
Կիևը մեկ անգամ չէ, որ հանդես է եկել Ռուսաստանի սահմանն անցնելու կանոնների խստացման մասին հայտարարություններով: Ուկրաինայի նախկին արտգործնախարար Պավել Կլիմկինը կոչ էր անում արգելել 16-60 տարեկան ռուսաստանցի տղամարդկանց մուտքն Ուկրաինա:
Այսպիսի արգելք Ուկրաինայի տարածքում գործել է 2018 թվականի նոյեմբեր-դեկտեմբեր ամիսներին, ռազմական դրության ժամանակ: Սահմանափակումը վերացնելուց հետո, Ազգային անվտանգության և պաշտպանության խորհուրդը կոչ է արել սահմանապահ ծառայությանը խստացնել ծառայությունը:
Միևնույն ժամանակ, ՌԴ նախագահ Վլադիմիր Պուտինը հայտարարել էր, որ Ուկրաինայի քաղաքացիների համար ոչ մի պատասխան սահմանափակումներ չի սահմանի, այլ, ընդհակառակը, կհեշտացնի նրանց մուտքը Ռուսաստան, ինչպես նաև կպարզեցնի նրանց՝ ՌԴ քաղաքացիություն ստանալու կարգը:


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Արարատ Միրզոյանն աշխատանքային այցով կգտնվի Էստոնիայի Հանրապետությունում
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
Ստեփանծմինդա-Լարս ավտոճանապարհը փակ է բեռնատարների համար
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին