Քաղաքապետին մեղադրանք է առաջադրվել 70-ականներին կառուցված շենքի պատճառով
Քննչական կոմիտեն մեղադրանք է առաջադրել Դիլիջանի քաղաքապետ Արմեն Սանթրոսյանին՝ ՀՀ ՔՕ 308-րդ հոդվածի 2-րդ մասով և 314-րդ հոդվածի 1-ին մասով։ Ըստ քննչականի տարածած հաղորդագրության՝ Սանթրոսյանը շուկայականից ցածր գներով և վերանորոգելու պարտավորվածությամբ ընկերությունների վարձով է տվել 2611.2 քմ մակերեսով բազմահարկ շենքում տարբեր տարածքներ։ Սակայն այդ ընկերությունները ժամանակի ընթացքում որևէ վերանորոգում չեն կատարել, իսկ քաղաքապետը վարձակալության գինը չի ավելացրել, ինչի հետևանքով, ըստ Քննչական կոմիտեի հաշվարկների, պետությանը պատճառվել է մոտ 76 միլիոն դրամ։ Մենք փորձեցինք կապվել Դիլիջանի քաղաքապետի հետ՝ հասկանալու նրա դիրքորոշումը քրեական գործի վերաբերյալ, սակայն պարզվեց, որ նա այս պահին Երևանում է։ Մենք զրուցեցինք փոխքաղաքապետ Արա Մարտիրոսյանի հետ՝ նրան հարցնելով, թե քաղաքապետը կարո՞ղ է պատրաստվում է հրաժարական տալ, չկա՞ն նման զրույցներ: «Այդ հարցին լավ կլինի ինքը պատասխանի, ես չեմ լսել»,- պատասխանեց փոխքաղաքապետը։
Մարտիրոսյանը նշեց, որ Սանթրոսյանը «նորմալ» քաղաքապետ է, իսկ հարցին, թե ինչ կարծիք ունի հարուցված քրեական գործի վերաբերյալ, պատասխանեց․
«Երևի թե կասեմ այն, որ դատաքննությունը գնում է, դրա վճիռը կլինի, ես ավելացնելու բան չունեմ, չեմ կարող ասել, չեմ կարող եզրակացություն անել կամ ինչ-որ մի բան ասել»։
Մարտիրոսյանին հարցրինք, թե ինչ շինություն է, որի մասին խոսում է ՔԿ-ն, և որը շուկայականից էժան է տրվել վարձակալության, պարզվեց՝ խոսքը 70-ականներին կառուցված շենքի մասին է․
«Դա նախկին քաղխորհրդի գործկոմի շենքն է եղել։ Վարձակալները տարբեր ընկերություններ են, մասնավոր էլ կա, պետական էլ կա, զինկոմիսարիատն էլ է այստեղ։ 70-ական թվականներին սարքված շենք է, վիճակն ինչպիսի՞ն պիտի լինի, Դուք էլ կարող եք պատկերացնել»։
Հարցրինք, թե այդ ընթացքում վարձակալները շենքում վերանորոգման որևէ աշխատանքներ կատարե՞լ են, դուռ, լուսամուտ, պատեր նորոգե՞լ են:
«Այ, դա չեմ կարող ասել, չգիտեմ, իրենց աշխատանքի պայմանները հիմա նորմալ են»։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Արարատ Միրզոյանն աշխատանքային այցով կգտնվի Էստոնիայի Հանրապետությունում
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
Ստեփանծմինդա-Լարս ավտոճանապարհը փակ է բեռնատարների համար
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին