«Իմ անձնական կարծիքով աշունը թեժ էր». Լեւոն Քոչարյան
Չկա նման բան, Վիկտոր Սողոմոնյանը հերքեց դա: Այս մասին, այսօր՝ դեկտեմբերի 3-ին, դատարանում լրագրողների հետ զրույցում նշեց Ռոբերտ Քոչարյանի որդին՝ Լեւոն Քոչարյանը՝ անդրադառնալով լուրերին, որ ինքը կամ իր եղբայրը պատրաստվում են կուսակցություն հիմնել:
Նա նաեւ հերքեց լուրը, թե «Վերնատուն» ակումբի ֆինանսավորման հետ իրենց ընտանիքը առնչություն ունի:
Հիշեցմանը, որ Ռոբերտ Քոչարյանը հայտարարել էր թեժ աշնան մասին, Լեւոն Քոչարյանն արձագանքեց. «Իմ անձնական կարծիքով աշունը թեժ էր»:
Ինչ վերաբերում է նրան, որ Գագիկ Ջհանգիրյանը դիմել է ՀՀ վարչական դատարան՝ պահանջելով առոչինչ ճանաչել Ռոբերտ Քոչարյանի հրամանագրերը, որոնցով վերջինս իրեն ազատել էր գլխավոր դատախազի տեղակալի պաշտոնից եւ զրկել արդարադատության առաջին դասի պետական խորհրդականի դասային աստիճանից, Լեւոն Քոչարյանն ասաց. «Որքան ես եմ հասկանում, նման պաշտոն ունեցող մարդը չպետք է քաղաքականությամբ զբաղվի, ինչը նա արել է»:
Նա անդրադարձավ նաեւ մարզերում Ռոբերտ Քոչարյանի աջակիցների ակցիաների ժամանակ տեղի ունեցող միջադեպերին. «Ինչ-որ մի հոգի փորձում է ինքնահաստատվել, ինչ-որ նման բաներ են անում, որ իրենց նկատեն իշխանությունները: Եթե չեն սխալվում այդ նույն մարդիկ են, որ «Հայելի» ակումբի վրա էին գործողություններ արել»,-ընդգծեց Լեւոն Քոչարյանը:


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Արարատ Միրզոյանն աշխատանքային այցով կգտնվի Էստոնիայի Հանրապետությունում
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
Ստեփանծմինդա-Լարս ավտոճանապարհը փակ է բեռնատարների համար
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին