Ռազմական գործողությունների դեպքում Ադրբեջանում կարող են ահաբեկիչներ հիմնավորվել․ Փաշինյան
Հայաստանի անվտանգության հիմնական խնդիրը ղարաբաղյան հակամարտությունն է, քանի որ ռազմական էսկալացիան աղետալի հետեւանքներ կունենա ամբողջ տարածաշրջանի վրա։
Այս մասին Իտալիայի Քաղաքական հետազոտությունների միջազգային ինստիտուտում իր ելույթի ժամանակ հայտարարել է ՀՀ վարչապետ Նիկոլ Փաշինյանը։ Վարչապետը հաստատել է իր դիրքորոշումն այն մասին, որ հակամարտության ցանկացած լուծում պետք է ընդունելի լինի Հայաստանի ժողովրդի, Լեռնային Ղարաբաղի ժողովրդի եւ Ադրբեջանի ժողովրդի համար։ Նա հավելել է, որ հակամարտությունը հնարավոր չէ կարգավորել առանց փոխզիջման եւ երկխոսության։
Սակայն Փաշինյանը նաեւ նշել է, որ Ադրբեջանի նախագահ Իլհամ Ալիեւը չի պատասխանել իր հայտարարությանը եւ մնում է իր դիրքորոշմանը։ «Ադրբեջանի իշխանությունները պետք է հասկանան, որ խաղաղ բանակցություններն այլընտրանք չունեն։ Առաջին հերթին՝ անօգուտ է Հայաստանի եւ Արցախի հետ սպառնալիքների լեզվով խոսելը։ Դա ոչ մի տեղ չտանող ճանապարհ է»,- ասել է նա։ Վարչապետն ընդգծել է, որ ռազմական գործողությունների դեպքում Ադրբեջանը տարածք կտրամադրի ահաբեկիչներին, որոնք կորցրել են դիրքերը այլ երկրներում եւ նոր տարածքներ են փնտրում իրենց գործողություններն իրականացնելու համար։
Այսպիսով, գտնվելով Ադրբեջանում, նրանք կարող են ներթափանցել բոլոր չորս ուղղություններով։ «Ղարաբաղը բարդ եւ ցավոտ խնդիր է ամբողջ տարածաշրջանի համար։ Եթե մենք պատասխանատվություն ենք վերցրել մեր մարդկանց ապագայի համար, մենք պետք է քայլեր ձեռնարկենք, որպեսզի հասնենք իրական փոփոխությունների»,- հավելել է նա։
Հայսատանի վարչապետն ասել է, որ նայել է ինստիտուտի կայքը եւ տեսել է մի քննարկման վերնագիրը՝ «Թանաքն արյունից ավելի լավ է»։ «Այս հակամարտության մեջ բավական արյուն է եղել։ Մեզ անհրաժեշտ է թանաք, որպեսզի վերջ դնենք հակամարտությանը եւ խաղաղություն բերենք մեր տարածաշրջանի մարդկանց»,- ամփոփել է նա։


















































Վարչապետը Փարիզի Խաղաղության համաժողովի շրջանակում մասնակցել է հիբրիդային սպառնալիքների դեմ պայքարին նվիրված պանելային քննարկմանը (տեսանյութ)
Նիկոլ Փաշինյանը նոյեմբերի 11-ին կմեկնի Թուրքիա
Կոչ եմ անում կազմակերպել բողոքի ակցիաներ. Փաշինյան
Պեսկով․ Փաշինյանի այցը Մոսկվա կարող է կայանալ արդեն մոտ ժամանակում
ԵԱՏՄ, ԵՄ և հանրաքվե. Ի՞նչ են քննարկել Փաշինյանն ու Պուտինը
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Արարատ Միրզոյանն աշխատանքային այցով կգտնվի Էստոնիայի Հանրապետությունում
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
Ստեփանծմինդա-Լարս ավտոճանապարհը փակ է բեռնատարների համար
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին